HLAZY 9:19 - Mara Bible RV (BSI)

¹⁹ Hy Abeipa, thyu la, Chyhsapa ta tiah khah ei sy; Phopizy na hmiakô liata pachiapa châ mawh ei sy!

HLAZY 9:19 ပူးပေါင်းရင်းမြစ်များ

ÂTHAONA 32:28

Chyhsa chata, “Na moh Zakaw cha tah khao aw veih ei, Izarei na châ ha aw, Khazohpa nata chyhsapa a pia chi ta, na pahnie hapa vâta,” tah ta.

2 THÂTIHZYRONA 14:11

Âsâ cha Abeipa a Khazohpa pado ta, “Hy Abeipa, thatlôpa ku tawhta chiehleipa a pachha thei awpa cha, nâ leipa ta ahy hmah y veih ei. Hy Abeipa eima Khazohpa y, rie miah bao mah y. Nâma a ngâchhâpa ta, na moh ta he pheisaih hluh ngaitapa he eimâ vaw dyuh. Hy Abeipa y, nâ cha eima Khazohpa châ chi ta, chyhsapa ta cha pahnie khah sy,” tah ta.

HLAZY 10:12

Hy Abeipa, thyu la, Hy Khazohpa, na ku chalo la, Pasataopazy my khah y.

HLAZY 149:7

Râhzy chô liata phuh la aw ei ta, Phopizy ama hrie aw.

HLAZY 3:7

Hy Abeipa, thyu la, Hy Khazohpa, na pachha mah y. Ei chariahpa zydua ama baih liata chabaih chi ta, Hmoparaopazy hâh na thlo tyh.

HLAZY 44:23

Hy Abeipa, a hra mah y, Khazia nâ mo thlâh haw? Thyu la, Tlyzaw ta miah dytha khah y!

HLAZY 44:26

Thyu la, miah bao awpa ta a vy mah y! Na kyhpachâna tleih beih leipa vâta miah chatlai mah y!

HLAZY 7:6

Hy Abeipa, na hiehâhpa ta thyu la, Ei chariahpazy ruchhôna thyuhnao mah y; Keima châta a hra la, Adona bie pathlu mah y.

HLAZY 79:6

Châ pahno leipa râhzy chô liata na hiehâhna lei thlu la, Na moh a pado leipa abeinarâhzy chô liata chhao lei thlu mah y!

HLAZY 80:2

Epharai nata Benzami nata Manase hmiakô liata, Na thatlôna pathyu la, Miah pachha awpa ta a vy mah y!

ISAI 51:9

Hy Abeipa bâh y, a hra la, a hra la, Thatlôna ta a tobi mah y. Chhâ a khô hapazy liata nâ hrapa hawhna khata a hra la, Hlâno daihti liata nâ hrapa hawhna khata a hra heih mah y. Rahâbi a chhawh pachhô khai hapa kha, Nâma châ chi ta; Drâkao a chô pahlietuhpa chhao kha, Nâma ma na châ vei?

ZEREMIAH 10:25

Châ pahno leipa râhzy chô liata na hiehâhna lei thlu la, Na mo a pado leipa phopizy chô liata chhao lei thlu mah y. Zakaw cha palâpa ta nie khai ha ei ta, A pahrâna râh roryhrapa ta ama tao ha hih.

ZÔELA 3:12

“Phopizy cha thyu ei sala, Zehôsaphâ Saikao lâ a khy mawh ei sy. Cha liata a tyuh aw na ta, Izarei chheipâh phopi zydua ei pachia aw ei.

MIKÂ 5:15

Reingiah leipa phopizy chô liata, Hiehâhna nata pathiiana ta phuh ei la aw.”

ZEPHANIA 3:8

Chavâta pachia awpa ta Ei duah nawpa noh vaw hâ teh u,” Abeipa ta a tah. “Phopizy pahmaoh aw na ta, Khinarâhzy ei awpakhy aw; Ei hiehâhna lei thlu aw ei na ta, Ei pathi sah ngaitapa ei lei thlu aw ei; Biechhâna ei tao haw. Ei hiatliana mei ta Khizaw zydua a kâ khai aw.”

ZEKARIA 14:18

Izi chyhsazy ta khy leipa ta amâ luah leipa khiahta cha, vâsua dao aw veih ei. Byureih Kyhchhi chay awpa ta a khy leipa phopizy cha, Abeipa ta ama chô liata potlana a patlôsa aw.

BIEPHUAH 19:15

A pakah tawhta zaozi tiah ngaitapa vaw pua ta, cha chata phopizy chhawh aw ta, thua chôchahrei ta ama chô liata ryureih aw ta, Khazohpa Atotaotheipa hiehâhna ru ngaitapa kre saohna khaoh a tly aw.

1 SAMUELA 2:9

“A chyhsa ngâchhihpazy phei vaih aw ta, Moleipazy deikua cha zohna liata chhawh pathlahpa ama châ aw; Thatlôna vâta chyhsa a duah veih ei.