HLAZY 89:42 - Mara Bible RV (BSI)

⁴² A khakhaipazy ku chachâh lâ cheihchalo chi ta, A chariahpa zydua thaphapa ta na paysa ei.

HLAZY 89:42 ပူးပေါင်းရင်းမြစ်များ

HLAZY 13:2

Khachâ ma palôh tymâpa ta y aw na ta, Noh y ta palôh vâsâhpa ta ei y aw? Khati taih ma kei hlâta ei chariahpa cheihchalo viapa ta a y aw?

HLAZY 80:13

Râhmâhpa liata ngiahraih ta a theizy hrao ta, Râhsa zydua ta ama nie.

HLAZY 80:6

Eima chheipâh râhzy ta amâ chhu awpa ta miah tao chi ta, Eima chariahpazy ta miah ama pahneisao hih.

CHAPHÔHTUNA 2:17

Abeipa ta â chhuahpa tao ha ta, A bie a patlô haw; Hlâno tawhta parao awpa ta a vaw rao hapa cha, Ngiachhiena hnei leipa ta a parao haw; Chariahpa a ly awpa ta cha parao ta, Na khakhaipazy ki a pasisa.

THEIHTHAINA 26:17

Châ heihnao aw ei na ta, nama chariahpazy hmiakô liata nama nawh aw. Châ haotuhpazy ta nama chô liata ryureih aw ei ta, ahy hmahta châ chadai leipa ta namâ râpai aw.

THEIHTHAINA 26:25

Nama chô liata zaozi chareisa aw na ta, cha chata biehrai phuh la aw ta, nama khihpizy liata pahmaoh pakhypa ta nama y aw. Nama hry liata hri chareisa aw na ta, chariahpa ku liata hlâpa nama châ aw.

ZAWHÂNA 16:20

Hmeiseihta ta, hmeiseihta ta ei cha chho ei, nâmo cha, cha aw ei chi ta, chaphôh nama tu aw, khizaw deikua cha â ly aw. Pachârôhpa ta y aw ei chi ta, châhrasala nama pachârôhna cha thaphana lâta â lie aw.

RYHPACHANEINA 28:25

“Abeipa ta nama chariahzy hmiakô liata cha panawh aw ei ta, âmo a dyuh awpa ta lâpi miakha a chhih aw ei chi ta, lâpi miasari lâta ama hmiakô liata namâ râpai aw. Chatanachata khizaw khinarâh zydua chipa ta a paysatuhpa nama châ aw.

RYHPACHANEINA 28:43

“Chihropa nama hry liata a ypazy nâmo hlâta a sâh via rili aw ei ta, nâmo deikua cha namâ hnai via lymâ aw.

BIEPHUAH 11:10

Lei chyhsazy rie a patheipa hrohsopa panozy thiepa ama châpa cha, lei chyhsazy a ly kaw aw ei ta, alynazy tao aw ei ta, hmosaipiepazy amâ pie raihrie aw.