HLAZY 89:30 - Mara Bible RV (BSI)

³⁰ A sawzy ta ei ryhpa siesai ei sala, Ei bie pachiapazy a chhih leipa ta,

HLAZY 89:30 ပူးပေါင်းရင်းမြစ်များ

2 SAMUELA 7:14

A paw châ aw na ta, ei sawchapawpa a châ aw. Hmo a parao khiahta cha, chyhsapa sôsi ta chhorei aw na ta, Âdâh sawzy chheina ta ei chhorei aw.

1 THÂTIHZYRONA 28:9

“Nâ, Sawlawmaw, ei sawchapawpa y, na paw Khazohpa he pahno la, pathipalôh tlokhuh ta nata tao khona palôh hneipa ta ano cha chakao mah y. Abeipa cha palôh zydua mohtuhpa châ ta, achhuahna nata pachâna zydua pahnotuhpa a châ. Ano cha na tlua khiahta cha, hmô awh chi ta, nâ heihsai khiah deikua cha, chhâzaw ta a cha thy aw.

HLAZY 119:53

Na ryhpa a heihsaituhpa moleipazy vâta, Ei hie thata a hâh tyh.

HLAZY 132:12

Na sawzy ta ei biehrai zyhpa ta, Âmo ei pachu awpa ei bieraopazy ama zyh khiahta cha, Ama sawzy chhâzaw ta na beidyuchhai liata amâ tyuh lymâ aw.”

HLAZY 89:5

Hy Abeipa, avâzy ta na hmonoâhpazy reithai ei sala, Mopathaihpazy pakhypi liata na ngâchhihna reithai mawh ei sy!

BIESOZY 28:4

Ryhpa a heihsaituhpazy cha moleipazy reithai tyh ei ta, Ryhpa a zyhtuhpazy deikua ta cha moleipazy amâ dyuh tyh.

BIESOZY 4:2

Pachuna phapa ei cha pie ei hih, Ei ryhpa bie a heihsai khuh vy.

ZEREMIAH 33:17

“Abeipa ta hetana heta a tah: Dâvi cha Izarei pathlazy beidyuchhai liata a tyuh awpa chyhsa a phahla beih aw vei.

EZEKIA 18:17

moleina hmo tao lei awpa ta a ku pako ha sala, apôhna nata â thôhna la leipa ta, ei ryhpazy zyhpa ta, ei bieraopazy â chhih khiahta cha, a paw paraona vâta thi aw vei. A hroh thlyu awpa a châ.

EZEKIA 18:9

ei bieraopazy a chhihpa ta, ei ryhpazy ngâchhihpa ta a zyh lymâ khiahta cha, chyhsa siapa châ ta, a hroh tlai aw, Abeipa Zehôvâh ta a tah.

EZEKIA 20:19

Kei he Abeipa nama Khazohpa châ na ta, ei bieraopazy a chhih u la, ei ryhpazy a phapa ta zyh muh vy.

LUKA 1:6

Ama pano ta Khazohpa hmiakô liata chyhsa siapa châ ei ta, Abeipa biepiepa nata bieraopa zydua liata seina hnei leipa ta a zyh lymâpa ama châ.

RYHPACHANEINA 11:21

chatanachata alei chô lâta avâ a y chhôh zydua cha, châ pathlatuhpazy hnohta pie awpa ta Abeipa ta bie â taihpa râh liata, nâmo nata nama pathlazy châta nama hro nohzy a pasisa aw.