HLAZY 89:26 - Mara Bible RV (BSI)

²⁶ Na aw aw ta, ‘Ei Paw châ chi ta, Ei Kha­zohpa nata ei pachhana lôpanô na châ,’ Eina tah aw.

HLAZY 89:26 ပူးပေါင်းရင်းမြစ်များ

2 SAMUELA 22:47

“Abeipa cha hroh ta, Ei lôpanô cha reithaipa ta y mawh sy; Ei Khazohpa cha palyupalihpa ta y sala, Ei pachhana lôpanô cha palyupalihpa ta y mawh sy.

2 SAMUELA 7:14

A paw châ aw na ta, ei sawchapawpa a châ aw. Hmo a parao khiahta cha, chyhsapa sôsi ta chhorei aw na ta, Âdâh sawzy chheina ta ei chhorei aw.

1 THÂTIHZYRONA 22:10

Ano ta ei moh châta o a sa aw. Ano cha ei sawchapawpa châ aw ta, kei a paw ei châ aw. Â beina beidyuchhai cha Izarei râh liata chhâzaw châta ei padua aw,’ tahpa ta na chho ha ta.

HLAZY 18:46

Abeipa cha hroh ta, Ei lôpanô cha reithaipa ta y sala, Ei pachhana Khazohpa cha palyupalihpa ta y mawh sy.

HLAZY 43:4

Chatanachata Khazohpa maisâh lâ pangai aw na ta, Ei lyna chaipa Khazohpa lâ ei pangai aw. Hy Khazohpa, keima Khazohpa y, Totâ ta ei cha reithai aw.

HLAZY 62:2

Ano deita cha ei lôpanô nata ei pachhana châ ta, Ei thokhy châ ta, A chalyu beih aw va na.

HLAZY 95:1

A vy u la, Abeipa lâ hla sa ei sih la, Eima pachhana lôpanô lâ thaphapa ta awh ei suh u!

ZEKARIA 9:10

Epharai tawhta talailih chhawh pathlah aw na ta, Zerusale tawhta adyuhna arâ ei chhawh pathlah aw; Adyuhna libaw thlie pachhôpa châ aw ta, Phopizy hnohta adyhna bie a phuah aw; A ryureina cha tilaipi tawhta tilaipi taihta châ aw ta, Chavah tawhta khizaw kaokih chhâna taihta a châ aw.

MATHAI 26:39

A chyhta vawh via ta, â khu lâta pao ta, thlahchhâ ta, “Hy ei Paw, tao theipa a châ khiahta la, he nyu he rie na khôsai mawh sy. Châhrasala keima rei châ leipa sala, nâma rei tlao châ mawh sy,” tah ta.

MATHAI 26:42

Chatawhcha a ei nona ta vawh ta, thlahchhâ heih ta, “Hy ei Paw, he nyu he doh leipa ta na khôsai thei awpa a châ vei khiahta cha, na rei sai châ mawh sy,” tah ta.

MÂKA 15:34

Dawh thôhpa liata, Zisu cha ao paro ngaitapa ta awh ta, “Elôi, Elôi, lâmâ sabakthâni?” tah ta, cha yzie cha “Ei Khazohpa, ei Khazohpa, khazia eina pathlua chi?” tahna a châ.

LUKA 23:46

Zisu cha ao paro ngaitapa ta awh ta, “Ei Paw, na ku liata ei thlahpa ei cha pavaosa!” tah ta. Cha bie cha a rei khai nahta, a thlahpa pathlie ha ta.

ZAWHÂNA 11:41

Alô cha pasie ei ta. Zisu cha avâ lâ ua ta, “Ei Paw, ei bie na nathliepa vâta alyna bie ei cha hlâ.

ZAWHÂNA 20:17

Zisu ta a hnohta, “Na patu khah y, Paw lâ kiah mâh va na. Ei unawhzy lâ vawh la, ama hnohta, ‘Ei Paw nata nama Paw, ei Khazohpa nata nama Khazohpa lâ ei kiah aw,’ a tah na tahpa ta kei chho mah y,” tah ta.

HEBRAI 1:5

Vâlyuhchâpazy hry liata ahy hnohta ma Khazohpa ta, “Ei Sawchapawpa châ chi ta, Tanoh he na Paw ei châ,” a tah beih tly? Cha leipa chhao ta, ahy vâlyuhchâpa hnohta ma, “Ano châta Paw châ aw na ta, Ano cha kei châta Sawchapawpa a châ aw,” a tah beih tly?