HLAZY 89:19 - Mara Bible RV (BSI)

¹⁹ Hlâno ta na chyhsa ngâchhihpa hnohta, Aluahna ta hetana heta na tah: “Pasaipha hnohta thatlôna pie na ta, Phopi vyuhpa ta atlypa cha ei cheihchalo.

HLAZY 89:19 ပူးပေါင်းရင်းမြစ်များ

2 SAMUELA 17:10

chakeibarôhneipa palôh a phaohpa pasaiphazy palôh taihta a dua khai ha aw. Na paw cha chyhsa thatlôpa châ ta, a hnohta a ypazy chhao pasaiphazy ama châzie Izarei zydua ta pahno khai tlôh ei ta.

1 ABEIZY 11:34

Châhrasala ei biepiepazy nata ei bieraopazy a zyhpa, ei tlyhpa nâ chakaotuhpa Dâvi vâta, khinarâh cha a zydua ta a ku tawhtapa chhu khai aw va na. A hro chhôh zydua cha bei ta ei paysa awh.

HLAZY 3:4

A paropa ta Abeipa aw na ta, A tlâh pathaihpa tawhta einâ vaw chhy. Selah

HLAZY 42:3

Chyhsazy ta noh y ta, “Na Khazohpa cha khataih liata a y haw?” na tah ei ta; Ei mothlihzy he chhô nah zâ ta ei pati a châ bâ.

HLAZY 89:3

“Ei tlyhpa chyhsa hnohta biehrai tao na ta, Nâ chakaotuhpa Dâvi hnohta bie ei taih haw:

ISAI 9:6

Eima châta hawti vaw pih ta, Sawchapaw piepa eima châ haw. A ngiatlâh liata ryureina pahniehpa châ aw ta, A moh cha Ryhraotuh Noâhchhihpa, Kha­zoh Thatlôpa, Chhâzaw Paw, Dyhna Beipa bipa a châ aw.

ZEREMIAH 30:21

Ama chhituhpa cha, Âmo chyhsa tlai châ aw ta; Ama ryureituhpa chhao, Âmo hry tawhta a vaw pua aw; Âmo rei ta nâ hnia ngâh awpa ama y leipa vâta, Nâ hnia awpa ta ano cha tao aw na ta, Eina vaw pangai aw.

MÂKA 1:24

“Nâzari Zisu, kheihta tao awpa ma miah na khoh? Miah pahleipadia awpa ta ma nâ vy? Khazohpa Chyhsa Pathaihpa na châ tahpa ei pahno,” tah ta.

LUKA 1:70

Leilô pi tua no tawhta A hrohso pathaihpazy pakah ta a rei hapa hawhta,

2 PITY 1:21

Hrohsona bie kheihawhpa rai, chyhsapa pachâna tawhta a puapa châ leipa ta, Khazohpa tawhta a puapa bie cha, chyhsazy ta Thlahpa Pathaihpa chhihthapa ta ama reih tyhpa tlao a châ.

2 PITY 3:2

Chatanachata hrohsopa pathaihpazy biereipa nata nama lyuhchâpazy hmâpa ta Abeipa nata Pachhatuhpa biepiepa cha namâ thei thlâh ha aw.

BIEPHUAH 3:7

“Philadelphia Awnanopa vâlyuhchâpa hnohta hetana heta roh teh: ‘Mopathaihpa, a hmeiseihpa, Dâvi châhbi hnei ta, ahy hmahta khaw thei lei awpa ta a pahytuhpa, ahy hmahta pahy thei lei awpa ta a khawtuhpa ta he biezy he a reih.

1 SAMUELA 16:1

Abeipa ta Samuela hnohta, “Sawla cha Izarei chô liata bei châta ei khoh khao leipa châ ta, ano vâta khachâ ma pachârôhpa ta na y aw? Na saki ôh liata sathaw pabie la, sie teh. Bethlehe khihpa Zese lâta ei cha tuah aw. A sawchapawzy hry liata pakha keima châta bei ta ei rao haw,” tah ta.

1 SAMUELA 16:18

Satlia pakha ta a chhy ta, a hnohta, “Pachâ teh, Bethlehe khihpa Zese sawchapawpa pakha hmô na ta, ano cha totâ tô thai ngaitapa, chyhsa riahphapa, adyuhpa chyhsa, bierei a thai kawpa nata hmipha ngaitapa châ ta, Abeipa ta a ypâpa chyhsa a châ,” tah ta.