HLAZY 89:18 - Mara Bible RV (BSI)

¹⁸ Eima vyhphao cha Abeipa eih châ ta, Eima bei cha Izarei Mo Pathaihpa eih a châ.

HLAZY 89:18 ပူးပေါင်းရင်းမြစ်များ

ÂTHAONA 15:1

Cha khai tawhta Abeipa bie cha aluahna ta Abarâ hnohta vaw tlô ta, “Abarâ, chi khah y, Na vyhphao châ na ta, Na lymâ rônah ngaitapa ei châ,” tah ta.

HLAZY 148:14

A mopathaihpa zydua rônahna châta, A phopi ki cheihchalo ta; A kiapâh liata a ypa Izarei sawzy châta, A phopi ki a cheihchalo haw. Abeipa cha reithai teh u!

HLAZY 44:4

Hy Khazohpa, nâ cha ei Beipa châ chi ta, Zakaw châta pahniena phuah mah y.

HLAZY 47:9

Phopizy tawhta beizy a hmaoh ei ta, Abarahâ Khazohpa phopi chhao amâ hmaoh. Khizaw vyhphaozy he Khazohpa eih châ ta, Ano cha thata cheihchalopa a châ.

HLAZY 62:6

Ano deita cha ei lôpanô nata ei pachhana châ ta, Ei thokhy châ ta, a chalyu beih aw va na.

HLAZY 71:22

Na ngâchhihna vâta, Hy Khazohpa, Totâ ta cha reithai aw na ta; Hy Izarei Mo Pathaihpa, Tlaipih ta cha reithaipa ta ei sa aw.

HLAZY 84:11

Zehôvâh Khazohpa cha noh nata vyhphao châ ta, Abeipa cha khokheina nata palyupalihna a pietuhpa a châ. Âdopa ta a ypazy châta cha, Hmo phapa thlyu aw vei.

ISAI 1:4

Âh, râh moleipa châ ei ta, Paraona a phaohpa phopi ama châ; Moleina hmo a taopa chipathla châ ei ta, Avyuhna a taopa sawzy ama châ. Abeipa siesaipa ta, Izarei Pathaihpa cha mohnao ei ta, Hnôh ama chhy haw.

ISAI 12:6

Hy Zaio sawzy saih u, Nama hry liata a ypa Izarei Mo Pathaihpa cha, Rônah ngaitapa a châpa vâta, Thata awh u la, alypa ta hla sa teh u.”

ISAI 29:19

Areisipazy cha, Abeipa liata alyna thiehpa hmô aw ei ta, Chyhsapa hry liata dyhchhiepazy chhao, Izarei Mo Pathaihpa liata thaphapa ta ama y aw.

ISAI 30:11

Lâpi siesai u la, Lâthlôh tleisai teh u; Izarei Mo Pathaihpa thâtih chhao, Miah chho khao khah u,” ama tah.

ISAI 33:22

Abeipa cha miah pachiatuhpa châ ta, Abeipa cha ryhpa miah pietuhpa a châ. Abeipa cha eima bei châ ta, Ano ta miah a pachha aw.

ISAI 43:14

Abeipa, nâmo châ Chatlaituhpa ta hetana heta tah ta, Izarei Mo Pathaihpa ta hetana heta a tah: “Nâmo vâta Babylaw lâ pheisaih tuah aw na ta, Arâpazy hawhta ei zâ chhi khai aw ei; Amâ ly kaw tyhpa balyhzy cheingei hmâpa ta, Kaldia mo chhao ei za siekhei aw ei.

ISAI 43:3

Kei he Abeipa na Khazohpa châ na ta, Izarei Mo Pathaihpa ei châ; Châ pachhatuhpa châ na ta, Izi cha nâma chatlaina sôh ta ei pie; Kusi nata Sibâ chhao, Nâma vyuhpa ta ei pie.

1 SAMUELA 2:1

Chatawhcha Hânâ cha hetana heta thlahchhâ ta, “Abeipa liata ei palôh a ly ta, Abeipa liata ei ki chaluahpa ta a y. Na pachhana liata ei lypa vâta, Ei chariahpazy chô liata ei pakah a kawh thei bâ aw.