HLAZY 87:1 - Mara Bible RV (BSI)

¹ Tlâh pathaihpa liata a khihpi padua ta,

HLAZY 87:1 ပူးပေါင်းရင်းမြစ်များ

2 THÂTIHZYRONA 3:1

Sawlawmaw ta Abeipa o cha Zeru­sale khihpi chhôh Môria Tlâh liata sa pathao ta. Cha su cha a paw Dâvi hnohta Abeipa â luahna su, Zebu chyhsa Ôranâ sawhrihmo kha châ ta, Dâvi ta â vaw tlyhpa su a châ.

HLAZY 121:1

Tlâhzy lâna khita ei mo ei khaih aw; Khataih tawhta ma nâ bao awpa a vaw tlô aw tly?

HLAZY 122:2

Hy Zerusale, eima pheizy cha, Na chhikaozy thaby liata â duah thlâh hih!

HLAZY 42:1

Sakhi vahtie ti vâpa ta a pahlapa hawhta, Hy Khazohpa, nâma vâpa ta ei hro a pahla.

HLAZY 68:16

Hy tlâh laki saih u, Khazia Khazohpa ta a pahrâ nawpa ta a khopa tlâh cha, A haopa ta moh ei chi ta, Tlyzaw ta Abeipa pahrâ nawpa tlâh cha, A haopa ta nama moh tly?

HLAZY 78:69

A supathaihpa cha avâzy hawhta sa ta, Tlyzaw châta a paduapa alei hawhta a sa.

ISAI 14:32

Râh vyuhpa lyuhchâpazy cha, Kheihta a chhy awpa ma a châ aw? “Abeipa ta Zaio padua ha ta, A phopi saw pasa a taopazy cha, Cha liata amâ chhai aw,” Tahpa ta a chhy awpa a châ.

ISAI 28:16

Abeipa Zehôvâh ta hetana heta a tah: “Moh teh u, Zaio liata alô bô na ta, Alô pasia chiehpa a châ; A ki liata alô sôhpa châ ta, Abôna a ipa a châ: ‘A ngiapâpa maih a chalyu aw veih ei.’

ISAI 56:7

Ei tlâh pathaihpa lâ a chhi aw ei na ta, Ei thlahchhâna o liata thaphapa ta ei paysa aw ei; Ama raopa hlânazy nata amâ theihnazy cha, Ei maisâh liata ei pyh aw. Ei o cha phopi zydua châta Thlahchhana o tahpa a châ aw.”

ZEKARIA 8:3

Abeipa ta hetana heta a tah: Zaio lâ kua aw na ta, Zerusale liah liata ei pahrâ aw. Chatanachata Zerusale cha Khihpi Ngâchhihpa tahpa ta bipa châ aw ta, Pheisaihzy Abeipa tlâh cha Tlâh Pathaihpa tahpa a châ aw.

MATHAI 16:18

Chavâta ei cha chho, nâ cha Pity na châ. He lôpanô chô liana heta ei Awnanopa padua aw na ta, Athihkhih chhikaozy ta pahnie aw vei.

2 PITY 1:18

a hnohta tlâh pathaihpa liata y pi ta, avâ tawhta a zâ puapa ao cha keimo tlai ta eima thei.