HLAZY 86:13 - Mara Bible RV (BSI)

¹³ Kyh eina pachâna chi he rônah ta, Athihkhih ry chaipa tawhta ei hro na pachha haw.

HLAZY 86:13 ပူးပေါင်းရင်းမြစ်များ

ZAWBÂ 33:18

A thlahpa khaohtlô tawhta pabohsapa ta, A hrona zaozi tawhta a pabohsa aw.

ZAWBÂ 33:22

A thlahpa khaohtlô a hnia via lymâ ta, A hrona chhao thina a tlôkheituhpazy â hnia via lymâ.

ZAWBÂ 33:24

Khazohpa ta chyhsapa cha zawh a ngiahpa ta, Vâlyuhchâpa hnohta, ‘Khaohtlô lâ a zu awpa tawhta chyhsapa kha pachha mah y, A chatlai nawpa ei hmô haw;

ZAWBÂ 33:28

Khaohtlô lâ zu awpa tawhta ei thlahpa pachha ta, Ei hrona ta khaihna a hmô aw,’ a tah aw.

HLAZY 108:4

Na kyhpachâna tleih beih leipa ta avâzy kaw daih ta, Na ngâchhihna ta meihdozy a kaw tlô.

HLAZY 116:8

Ei thlahpa he thina tawhta pachha chi ta, Ei mozy mothlih tlana tawhta pachhapa ta, Ei pheizy ahluana tawhta na pachha haw.

HLAZY 16:10

Athihkhih liata ei thlahpa siesai leipa aw chi ta, Na Mo Pathaihpa thuzao awpa pasaih aw va chi.

HLAZY 30:3

Hy Abeipa, Athihkhih tawhta ei thlahpa thaoh papua chi ta, Khaohtlô lâ a zupazy tawhta ei hrona na pahro heih.

HLAZY 30:4

Hy a mopathaihpazy saih u, Abeipa reithaipa ta sa u la; A moh pathaihpa lâ alyna bie hlâ teh u.

HLAZY 56:13

Khazohpa hmiakô liata chareipa ta, Hrona khaihpa liata charei awpa ta, Ei hrona he thina tawhta pachha chi ta, Ei pheizy he ahluana tawhta na pabohsa haw.

HLAZY 57:10

Na kyhpachâna tleih beih leipa ta avâzy kaw daih ta, Na ngâchhihna ta meihdozy a kaw tlô.

HLAZY 88:6

Khaohtlô athupa liata na pathla chi ta, Su zohpa nata athupa liata eina soh chi.

ISAI 38:17

Pachâ tua, nôpona thata ei tyhpa kha, Keima pha nawpa châta tlao a vaw châ. Châhrasala kyhpachâna ta ei hrona na pachha chi ta, Raona khaohtlô tawhta eina pachha ha chi; Ei moleina zydua kha, Na hnohky lâ na thy khai haw.

LUKA 1:58

Abeipa ta Elizabe chô liata zawngiahna rônah ngaitapa a palâsa haw tahpa a opazy nata a chiheihzy ta ama thei nahta, a lykhei ngaita ei ta.

1 THYSALAWNIKA 1:10

vârâh tawhta a Sawchapawpa avyheihna a hâtuhpazy nama châzie miah ama chho. Ano cha Khazohpa ta athihpa hry tawhta a pathyupa Zisu kha châ ta, hiehâhna vaw tlô awpa tawhta miah a pachhatuhpa a châ.