HLAZY 85:8 - Mara Bible RV (BSI)

⁸ Zehôvâh Khazohpa ta bie a rei awpa cha ei nathlie aw; A phopi hnohta thlalôhna bie reih aw ta, A mopathaihpazy hnohta a reih aw; Âmo deikua cha hruna lâ a heih khao khah ei sy.

HLAZY 85:8 ပူးပေါင်းရင်းမြစ်များ

ÂTHAONA 34:7

Thâtih ama pahnopa nahta, Zakaw sawchapawzy cha râh lâ tawhta vaw tlô ei ta. Sekhe ta Zakaw sawchanô a ziakhei ta, Izarei sahlao chô liata hmo molei ngaitapa, hmo tao chachei lei awpa a taopa vâta, ama palôh pasapa ta, ama hiehâh ngaita ta.

HLAZY 130:4

Châhrasala chipa ta na y thei nawpa ta, Nâma liata ngiahthaina a y.

HLAZY 29:11

Abeipa ta a phopi hnohta thatlôna pie sala, Abeipa ta a phopi hnohta thlalôhna byhnâ pie mawh sy!

HLAZY 50:5

“Atheihna ta ei hnohta biehrai a taopa, Ei mopathaihpa zy kha, Kei lâta awpakhy teh u,” Abeipa ta a tah.

BIESOZY 25:11

A daihtita ta bie reipa cha, Tâkâ byh liata ngôh epuh hawhta a châ.

BIESOZY 27:22

Ahrupa sôkhaoh liata sâh chhaota Sôkhaih ta daih hra la, Ahruna ta ano cha siesai hlei aw vei.

ISAI 57:19

Ama hmao liata reithaina ei paysa aw. Lâhla lâhnia liata a ypazy chô liata thlalôhna y sala, Thlalôhna y mawh sy,” Abeipa ta a tah. “Ano cha ei patlâh aw.

HABAKU 2:1

Ei riahvaina su liata a duah aw na ta, O sâhpa chô liata yna ei paryh aw; Abeipa ta ei hnohta a rei awpa mokhâh aw na ta, Ei paphôhna â chhyna ei mokhâh aw.

HÂKAI 2:9

‘Tahmâ ta o rônahna he a hmiatuapa o rônahna hlâ khata a rônah via syulyu aw,’ Pheisaihzy Abeipa ta a tah. ‘He su liata thlalôhna ei paysa aw,’ Pheisaihzy Abeipa ta a tah,” tah ta.

ZEKARIA 9:10

Epharai tawhta talailih chhawh pathlah aw na ta, Zerusale tawhta adyuhna arâ ei chhawh pathlah aw; Adyuhna libaw thlie pachhôpa châ aw ta, Phopizy hnohta adyhna bie a phuah aw; A ryureina cha tilaipi tawhta tilaipi taihta châ aw ta, Chavah tawhta khizaw kaokih chhâna taihta a châ aw.

ZAWHÂNA 14:27

Thlalôhna cha sopa ei na ta, keima thlalôhna ei cha pie ei. Khizaw ta a piepa hawhta cha pie veih ei na. Nama pathipalôh nôpo leipa sala, chi hra khah sy.

ZAWHÂNA 20:19

Cha noh, hâta noh hmiatuapa zâlâ ta, Zuzy chipa vâta pachupazy yna ochhizy cha khaw ei ta. Zisu cha a vy ta, ama hry liata a vaw duah ta, ama hnohta, “Nama chô liata thlalôhna y mawh sy,” tah ta.

ZAWHÂNA 20:26

Noh charie a châ tawhta, a pachupazy cha o chhôh liata y heih ei ta. Thawma chhao ama hnohta y hra ta. Ochhizy khaw hapa a châ tarawpa ta, Zisu cha a vy ta, ama hry liata a vaw duah ta, ama hnohta, “Nama chô liata thlalôhna y mawh sy,” tah ta.

ZAWHÂNA 5:14

A noh hropa ta Zisu ta ano cha Achhyna o liata hmô ta, a hnohta, “Moh teh, na tlâh ha hih! Molei khao khah y. Chataleipatala hmopha lei viapa na chô liata a vaw tlô pathlei aw na,” tah ta.

ZAWHÂNA 8:11

Chanô ta, “Abeipa, thailei nâ pachâsapa ahy hmah y veih ei,” tah ta. Zisu ta, “Kei chhao ta thailei cha pachâsa va na. Sie la, tahmâ tawhta la molei khao khah y,” tah ta.

HMOTAOPAZY 10:36

Khazohpa ta Izarei sawzy hnohta bie vaw tlôkhei ta, Zisu Krista hmâpa ta thlalôhna thâtihpha cha ama hnohta vaw tlôkhei tlai ta, châhrasala Zisu cha ato zydua Beipa a châ.

HMOTAOPAZY 3:26

Khazohpa ta a chakaotuhpa cha pathyu ta, nama moleinazy tawhta cha paheisaisa ta, byhnâ cha pie awpa ta, nâmo lâta a vaw tuah tuachaipa a châ,” tah ta.

KALATIA 4:9

Tahmâ cha Khazohpa nama pahno haw. Khazohpa ta a pahnopa nama châ haw tah awpa tlao a châ. Cha hawhta nama châ tawh hmâchhâh ta, kheihtazieta khizaw ryhpa chiehleipa nata phahnai leipa lâ nama kua thlâh heih tly? Ama sei ta y heih awpa ma nama tlaichhai?

EPHESI 2:17

Krista â vy nona khata, nâmo, lâhlapi ta a ypazy hnohta aryhna bie cha chho ei ta, lâhnia liata a ypazy hnohta chhao a cha chho hra ei.

2 THYSALAWNIKA 3:16

Thlalôhna Beipa ta kyh to liata thlalôhna cha pie lymâ mawh ei sy. Abeipa cha nama zydua hnohta y mawh sy.

2 TIMAWTHY 2:19

Châhrasala, “Abeipa ta ano eihzy a pahno,” tahpa nata “Abeipa moh a padopa maih moleina siesai mawh sy,” tahpa ta chahnao pa-ipa ta, Khazohpa lôbô a ipa cha â duah thlâh haw.

HEBRAI 12:25

Biereituhpa khoh leipa ta nama y pathlei lei nawpa ta a chado teh u. Alei liata zikyurâtuhpazy khoh leipa hmahta hriena ama khôkhâh vei khiahta cha, vârâh tawhta zikyu miah râtuhpa eima dytha khiahta cha, hriena eima khôkhâh lei pachai aw dia!

BIEPHUAH 3:19

Kyh ei pachâpa cha pasipaao na ta, ei chhorei tyh. Chavâta phahnai a ngiah la, ro mah y.

1 SAMUELA 25:25

Ei zibeipa heta chyhsa chhiepa Nâbâ he pachâ hlei khah sy. A moh hawh tlai heta na a châ. Nâbâ moh a phaopa hawh tlai ta a hru ha hih. Kei, châ chakaotuhnô heta ei zibeipa satlia vaw tuapazy kha vaw hmô va na.