HLAZY 84:5 - Mara Bible RV (BSI)

⁵ Nâma liata ama thatlôna a ypazy nohlao ei ta, A palôh liata Zaio pangaina lâlai a ypazy cha ama nohlao na.

HLAZY 84:5 ပူးပေါင်းရင်းမြစ်များ

HLAZY 122:1

Chyhsazy ta ei hnohta, “Abeipa o lâ pangai ei suh u!” Ama tah nota ei ly kaw tyh.

HLAZY 134:1

Nâmo, Abeipa chakaotuhpa zydua saih u, A vy u la, Abeipa cha reithai teh u! Abeipa o liata zâ ta a duah tyhpa zydua saih u, Abeipa cha reithai teh u!

HLAZY 40:8

Hy ei Khazohpa, na khopa taona liata a ly na ta, Na ryhpa cha ei palôh liata a y,” tah na ta.

HLAZY 42:4

Ei hro ei palâhâh nahta, He hmozy he ei thei tyh: Zasâh manôhzy hnohta sie hrapa ta, Khazohpa o lâ a pangaipazy chhihtha tyh ei na ta; Thaphapa ta awh ta alyna bie reina chôta, Kyhchhi a hmâhpazy ei chhihtha tyh ei.

HLAZY 55:14

Nâ nata kei cha reikah thlôhpa ta bie reih khoh tyh pi ta, Khazohpa o liata a kao tyhpa mah eima châ tâh.

HLAZY 65:5

Hy eima pachhana Khazohpa y, Hmo rônahpa taopa ta siana ta miah a chhy chi ta; Nâ cha khizaw kaokih hnabeiseihna châ chi ta, Tilaipi a hla chaipazy hnabeiseihna chhao na châ.

HLAZY 81:1

Eima thatlôna Khazohpa lâ ao paropa ta hla sa u la, Zakaw Khazohpa lâ a lypa ta awh teh u!

ISAI 26:9

Ei hro ta zâ ta cha vâ ta, Ei chhôh liata ei thlahpa ta mydi ta a cha pado tyh. Na pachianazy alei chô liata a vaw tlôna maihta, Khizaw chyhsazy ta siana amâ chu tyh.

ISAI 45:24

Hetana heta ei thâtih ama reih aw: ‘Abeipa lia deita ta pahniena y ta, Ano lia deita ta thatlôna a y; Chyhsazy ano lâ a vy aw ei ta, A chô liata a ru a chhôpa zydua cha, Maophyuhpa ta ama y aw.

ZEREMIAH 31:33

“Cha nohzy hnôhlâ ta Izarei pathlazy hnohta biehrai ei tao awpa cha, he he a châ,” Abeipa ta a tah. “Ama chhôh liata ei ryhpa bie soh aw na ta, ama palôh liata ei roh ha aw. Kei ama Khazohpa châ aw na ta, âmo cha ei phopi ama châ aw.

ZEREMIAH 31:6

Epharai tlâh râh liata vaituhpazy ta, ‘Thyu teh u, Zaio lâ sie ei sih la, Abeipa eima Khazohpa lâ sie ei suh u,’ Ama tahna nohzy a vaw tlô aw.”

MIKÂ 4:2

Zaio tawhta ryhpa bie pua aw ta, Zerusale tawhta Abeipa bie a pua aw; Chavâta phopi hluhpi a vy aw ei ta, “A vy teh u, Abeipa Tlâh lâ khy sih la, Zakaw Khazohpa o lâ khy suh u; Chatanachata a lâthlôhzy miah pachu aw ta, A lâpizy eimâ chhih thei aw,” Ama tah aw.

ZEKARIA 10:12

Zudâh pathlazy cha, Abeipa liata thatlôpa ta tao aw ei na ta, Ano moh ta hmo ama tao aw,” Abeipa ta a tah.

2 KAWRINI 12:9

Châhrasala Abeipa ta, “Ei ngiachhiena na châta â daih na, ei hmotaotheina he chiehleina liata pakipa ta a y tyh,” eina tah haw. Chavâta Krista hmotaotheina ei chô liata a y thei nawpa ta, ei chiehleinazy he a ly ngaitapa ta ei palaikhei via lymâ aw.

PHILIPI 4:13

Tha nâ patlôtuhpa Krista liata ato ei tao thei.