HLAZY 84:10 - Mara Bible RV (BSI)

¹⁰ Na dôhpachhôh tlyhmia liata noh kha ypa cha, Su hropa liata noh sâh kha ypa hlâta a pha via. Moleipa poh o liata pahrâpa hlâta cha, Ei Khazohpa o chhikao vaituhpa châ awpa ei khoh via.

HLAZY 84:10 ပူးပေါင်းရင်းမြစ်များ

2 THÂTIHZYRONA 6:42

Hy Zehôvâh Khazohpa y, Na sathawthupa hmia su hro lâ paheisa leipa la, Châ chakaotuhpa Dâvi chô liata na zawngiahna kha, Khâ a thei thlâh ha mah y.”

HLAZY 132:10

Châ chakaotuhpa Dâvi zawhzi ta, Na sathawthupa hmia pakuasa khah y.

HLAZY 27:4

Abeipa liata hmo miakha hiah na ta, Cha hmo cha khâ ei tlua aw; Cha cha ei hro chhôh noh zydua liata Abeipa o liata pahrâ ta, Abeipa angianazie sai ta, Achhyna o liata thlahchhâ awpa a châ.

HLAZY 63:2

Chavâta su pathaihpa liata cha moh na ta, Na hmotaotheina nata na rônahna ei moh thlâh haw.

LUKA 2:46

Noh thôh ama tlua khai tawhta, Achhyna o liata hmô ei ta, pachutuhpazy hry liata a tyuh ta, ama biezy nathliepa ta, âmo lâta hiahrinazy a vaw tao ngâpa hmô ei ta.

PHILIPI 3:20

Keimo khihsana deikua cha vârâh liata y ta, vârâh tawhta Pachhatuh Abeipa Zisu Krista a zu awpa cha ngiatiah leipa ta eima hâ.

ZÂMIE 2:3

chysia phapa a tobipa cha pachâ peimawh viapa ta, a hnohta, “Atyuna phapa liana he a tyuh mah y,” tah ei chi ta, dyhchhiepa hnohta, “Hao liata a kei duah teh,” tlyma, “Ei phei thaby siphiah liata a tyuh teh,” tlyma nama tah khiahta cha,