HLAZY 83:2 - Mara Bible RV (BSI)

² Moh tua, na chariahpazy palopasah ei ta, Châ haotuhpazy ama luh ama pachhua.

HLAZY 83:2 ပူးပေါင်းရင်းမြစ်များ

2 ABEIZY 19:28

Ei chô liata na ruchhô ta, Nâ palaina ei nah liata â kaw ngia hapa vâta, Na hnari cha daoh aw na ta, Ei chhâri na hmao liata pabawpa ta, Nâ vyna lâpi lâ tlai khata ei cha pakuasa heih aw.”

HLAZY 109:1

Hy ei reithaipa Khazohpa y, A chalih thlâh ha khah y!

HLAZY 74:23

Na khakhaipazy palopasahpa my leipa la, Châ thyuhnaopazy achiaburâhna paru via lymâpa chhao my khah y!

HLAZY 74:4

Na phopi apakhyna liata na khakhaipazy rahao ei ta, Âmo ngianazy ama taw thlu.

HLAZY 81:15

Abeipa a haotuhpazy ta ano ry a vaw daoh aw ei ta, Châhrasala ama tovyuh awpa cha chhâzaw hriena a châ aw.

HLAZY 93:3

Hy Abeipa, tisaihzy tlô ta, Tisaihzy ta a aoh ei ta, Tisaihzy ta thata amâ rôh.

ISAI 17:12

Tilaipi a chatlaopa hawhta a chatlaopa Phopi hluhpizy cha ama hu a po na! Tisaih a aohpa hawhta a aohpa Râhzy cha ama hu a po na!

ISAI 37:23

“Ahy ma pasipasawh chi ta na reipachhie tly? Ahy chô liata ma na ao ki pasâh thlu chi ta, Na mo nâ pasâh thlu? Izarei Mo Pathaihpa chô liata na taopa a châpa kha!

ISAI 37:29

Ei chô liata na ruchhô ta, Nâ palaina ei nah liata â kaw ngia hapa vâta, Na hnari ei cha daoh aw; Na hmao liata chhâri cha pabaw aw na ta, Nâ vyna lâpi lâ tlai khata ei cha pakuasa heih aw.”

ZEREMIAH 1:19

Cha pachha awpa ta na hnohta ei ypa vâta, châ dyuh aw ei ta, châhrasala cha pahnie aw veih ei, Abeipa ta a tah,” tah ta.

MATHAI 27:24

Pilâ ta khâpa hmahta tao thei leipa ta, tlao â tymâ via rilipa a hmô nahta, ti la ta, zawpi hmiakô liata a ku a si ta, “He chyhsa siapa thisaih liana heta ei pathaih na, nâmo tao ta tao teh u,” tah ta.

HMOTAOPAZY 16:22

Zawpizy chhao vaw pua ei ta, lyuhchâpazy cha a vaw dyuh hra ei ta. Bie pachiapatuhpazy ta lyuhchâpazy cha ama pohzy hrie ta, sôsi ta tu awpa ta biepie ei ta.

HMOTAOPAZY 17:5

Zuzy deikua cha ama hiatlia ta, sôhdaohna su liata moleipa thathipazy pakhy ei ta, zawpi pahmaohpa ta khihpi zydua patypamâ ei ta. Lyuhchâpazy cha zawpi lâ a chhi a chhuahpa ta, Zasaw o liata a ngiahnao ei ta.

HMOTAOPAZY 21:30

A khihpi duata a tymâ ei ta, zawpi a râ pakhy ei ta. Pawla cha patupa ta Achhyna o tawhta a daophi ei ta, ochhizy thlai khaw ei ta.

HMOTAOPAZY 22:22

Bie a rei khaina taihta nathlie ei ta. Chatawhcha ao paro ngaitapa ta, “He hawhpa chyhsa he leilô tawhta pahleipadia teh u! A hroh tlâh châ vei,” tah ei ta.

HMOTAOPAZY 23:10

Thachahra hmâna taihta amâ eichhia via rilipa vâta, pheisaih hyutuhpa cha Pawla ama hriechheih awpa chi ta. Pheisaihzy tuah ta, pheisaih thatlôna hmâpa ta, ama hry tawhta pheisaih su lâ a kaw chhi awpa ta biepie ta.

RYUREITUHPAZY 8:28

Midia cha Izarei sawzy hmiakô liata pahniepa ta y ta, ama luh pachhua thei khao veih ei. Chatanachata Kidia hro chhôh ta, râh cha kô sypalih chhôh thlalôhpa ta a y.