HLAZY 83:18 - Mara Bible RV (BSI)

¹⁸ Nâ deita he Zehôvâh moh a phaohpa châ chi ta, Khizaw zydua liata Chônôchaipa na châ tahpa ama pahno aw.

HLAZY 83:18 ပူးပေါင်းရင်းမြစ်များ

ÂTHAONA 22:14

Chavâta Abarahâ ta cha su cha Zehôvâh Zire tahpa ta a moh bi ta, tanoh taihta, “Abeipa tlâh liata piepa a châ aw,” tah tyhpa a châ.

1 ABEIZY 18:37

Nâ chhy la, Hy Abeipa, nâ chhy mah y. Chatanachata he zawpizy heta nâ Abeipa deita he Khazohpa châ chi ta, ama palôh na pakuasa ha heih ei tahpa ama pahno aw,” tahpa ta thlahchhâ ta.

2 ABEIZY 19:19

Chavâta Hy Abeipa eima Khazohpa y, nâma deita he Zehôvâh Khazohpa cha na châ tahpa alei chô liata khinarâh zydua ta ama pahno thei nawpa ta, ngiachhiepa ta Senâkeri ku tawhtapa he miah pachha tlai mah y,” tah ta.

HLAZY 18:13

Abeipa cha avâzy tawhta a vaw thua ta, Chônôchaipa ta a ao papua ta, Pachie nata pareih thata a tla.

HLAZY 35:4

Ei hrona pahlei a chhuahpazy cha, Nozapa nata maophyuhpa ta y ei sala; Ei chô liata chhiena tao a chhuahpazy chhao, Kua ei sala hnabeidypa ta y mawh ei sy!

HLAZY 59:13

Âmo cha na pathiiana ta kâsao khai sala, Khazohpa cha Zakaw pathlazy chô liata ryureih ta, Khizaw kaokih taihta ryu a reih tahpa pahno mawh ei sy. Selah

HLAZY 9:16

Abeipa cha anosasyh ta a pahnosa ta, Adona ta ryu a reihpa a châ; Moleipazy deikua cha, Âmo khoheih chôpa liata amâ ao tyh. Hikaiô. Selah

HLAZY 9:2

Nâma liata thaphapa ta a ly aw na ta, Hy Chônôchaipa, na moh reithaina hla ei sa aw.

HLAZY 92:8

Nâ deikua cha, Hy Abeipa, Tlyzaw ta cheihchalopa na châ.

HLAZY 97:9

Hy Abeipa, nâ cha alei chô zydua liata chônôchaipa châ chi ta, Khazoh zydua chô lâta cheihchalopa na châ.

PUASAINA 6:3

Abarahâ, Aisika nata Zakaw zy hnohta Khazohpa Atotaotheipa ta a vaw luah na ta, ei moh Zehôvâh ta deikua cha ama hnohta a pahnosa va na.

ISAI 42:8

Kei he Zehôvâh châ na ta, Cha cha ei moh a châ; Ahy hnohta hmah ei rônahna pie leipa na ta, Nothlahpazy hnohta chhao, Keima reithaina pie veih ei na.

ISAI 5:16

Pheisaih Abeipa deikua cha, A ryureina dopa vâta cheihchalopa ta y aw ta; Khazohpa Pathaihpa cha, A siana hmotaopazy liata a pathaihna pasiapa a châ aw.

ISAI 54:5

Châ Taotuhpa cha na vahpa châ ta, A moh Pheisaihzy Abeipa a châ; Châ Chatlaituhpa chhao Izarei Mo Pathaihpa châ ta, ‘Khizaw zydua Khazohpa,’ Tahpa ta awpa a châ.

ZEREMIAH 16:21

“Chavâta pachâ teh u, Ei thatlôna nata ei hmotaotheina pahnosa aw ei na ta, Ei kha ta chhâzaw a daih awpa ta ei pahnosa aw ei. Chatanachata ei moh cha Abeipa a châ tahpa ama pahno aw,” Abeipa ta a tah.

EZEKIA 30:19

Cha hawhna chata Izi cha pachia aw na ta, Kei he Abeipa ei châ tahpa ama pahno aw.’”

EZEKIA 38:23

Cha hawhna chata ei rônahzie nata ei pathaihzie palâsa aw na ta, phopi hluhpi mohmô liata keimasasyh ta ei pahnosa aw. Chatanachata kei he Abeipa ei châ tahpa ama pahno aw.”

DÂNIAH 4:25

Chyhsa hry tawhtapa papuapa ta y aw chi ta, na pahrâna cha râhsazy hry liata a châ aw. Viahchao hawhta sibiepa pabâsapa châ aw chi ta, avâ diati ta padâpa na châ aw. Chônôchaipa ta chyhsa khinarâhzy chô liata ryureih ta, a pie khohpa hnohta khinarâh a pie tyh, tahpa na pahno hlâlei cha na châta daihti mia sari a khô aw.

DÂNIAH 4:32

Chyhsazy hry tawhtapa papuapa ta y aw chi ta, na pahrâna cha râhsazy hry ta a châ aw. Viahchao hawhta sibiepa pabâsapa châ aw chi ta, na châta daihti mia sari a khô aw, Chônôchaipa ta chyhsazy khinarâh chô liata ryureih ta, a pie khohpa hnohta khinarâh cha a pie tyh, tahpa na pahno hlâlei cha,” tahpa ta.

MIKÂ 4:13

Hy Zaio sawchanô y, Thyu la, sâh tly teh; Thua ta na ki tao aw na ta, Dawh ta na chakiezy ei tao aw; Chatanachata phopi hluhpizy cha, Na pakeichheih aw ei. Ama sâhzy Abeipa lâ hlâ aw chi ta, Ama sôhzy khizaw zydua Abeipa lâ na hlâ aw.”

ZEKARIA 4:14

“Hezy he khizaw zydua liata Abeipa a chakao awpa sathawthupa panozy ama châ,” tahpa ta na chho ta.