HLAZY 82:2 - Mara Bible RV (BSI)

² “Khati taih ma â doleipa ta ryureih aw ei chi ta, Moleipazy nama khokhei via chy aw? Selah

HLAZY 82:2 ပူးပေါင်းရင်းမြစ်များ

1 ABEIZY 18:21

Elaizâh ta zawpi cha a kei hnia ta, ama hnohta, “Pachâna miano likah liata khachâ ma noraihpa ta nama y chy aw? Abeipa cha Khazohpa a châ khiahta cha, ano cha pazi u la, Bâlâ cha Khazohpa a châ khiahta cha, ano cha pazi muh vy,” tah ta. Zawpizy ta kawh kha hmahta a chhy leipa ei ta.

2 THÂTIHZYRONA 19:7

Abeipa eima Khazohpa liata cha adoleina, khokhei viapa hneina nata panaopapana lapazy y vei. Chavâta Abeipa chi u la, hmo nama taopazy liata a sohsi ngaita muh vy,” tah ta.

ZAWBÂ 32:21

Ahy hmah khokhei via leipa aw na ta, Ahy hmah papyupahly aw va na.

ZAWBÂ 34:19

Abeisawzy khokhei via hlei leipa ta, Dyhchhiepa hlâta dyhphapa hmia a moh via hlei leipa châ vei ma? Ama zydua ta ano kuzô sai châ veih ei ma?

HLAZY 62:3

Thokhy a sia haipa nata diahpai a pao haipa hawhpa chyhsa tlai he, Khati taih ma tei aw ei chi ta, Nama zydua ta namâ dyuh aw?

PUASAINA 10:3

Mawsi nata Arawna cha Phiraoh lâ a kei ngia ei ta, a hnohta, “Zehôvâh, Hebraizy Khazohpa ta hetana heta a tah: ‘Khachâ ma ei hmiakô liata a panawh khoh leipa ta na y aw? Eina chakao thei nawpa ei ta, ei phopi pasiesa bâ teh.

BIESOZY 18:5

Moleipa khokhei viapa pha lei­pa ta, Mosiapa adona chhupa chhao pha vei.

EZEKIA 45:9

“Abeipa Zehôvâh ta hetana heta a tah: Hy Izarei beizy saih u, a daih bâ se! Atudaina nata tlybaina bâhsai u la, ryureina dopa ta ryureih teh u. Siana ta hmo tao u la, ei phopi ama râh tawhta nama papua tyhpa bâhsai teh u, Abeipa Zehôvâh ta a tah.

THEIHTHAINA 19:15

“Ryureina liata â doleipa ta nama pachia awpa châ vei. Dyhchhiepa na khokhei via awpa châ leipa ta, chyhsa hmotaotheipa hmia na mo via awpa châ hra vei. Siana ta na vaih na pachia awpa a châ.

MATHAI 17:17

Zisu ta a chhy ta, ama hnohta, “Hy ngiapâleipa nata chhorupa chhâ saih u, khachâ ma nama hnohta ei y aw? Khachâ ma ei cha pachâ thai aw ei? Kei lâ a vaw chhi teh u,” tah ta.

KALATIA 2:6

Chyhsa peimawhpa hawhta a lâpazy he, ama châna vâta kei liata ananona y hlei vei. Khazohpa cha khôtho lâ alânazie ta pachia vei. Chyhsa peimawhpa hawhta a lâpazy heta na phahnaikhei hlei veih ei.

RYHPACHANEINA 1:17

Ryureina liata thlua hlei nama hnei awpa châ vei. Mochyhpa nata molaipa bie â lyupa ta nama nathlie awpa châ ta, ahy hmia hmah nama moh awpa châ vei. Ryureina cha Khazohpa eih a châ. Nama châta bie rupa cha ei hnohta vaw tlôkhei tyh aw ei chi ta, kei ta ei pachia tyh aw,’ tah na ta.