HLAZY 81:9 - Mara Bible RV (BSI)

⁹ Nâma liata khazoh hropa y leipa aw ta, Chihropa khazoh hmia liata nâ bôh lei awpa tlai!

HLAZY 81:9 ပူးပေါင်းရင်းမြစ်များ

1 ABEIZY 22:19

Mikai ta, “Chavâta Abeipa bie he nathlie teh: Abeipa cha a beidyuchhai liata â tyupa hmô na ta, vâmo zydua ta a chavei chachâh ta a kiapâh liata amâ duapa ei hmô.

HLAZY 44:20

Eima Khazohpa moh mypa ta, Râh hropa khazoh lâta eima kuzy a pazawhpa eima vaw châ ha khiahta cha,

HLAZY 50:7

“Hy ei phopi, nathlie teh, Bie ei reih aw; Hy Izarei, ei cha chakhia aw, Kei he Khazohpa châ na ta, Na Khazohpa cha ei châ.

PUASAINA 15:26

ama hnohta, “Abeipa Khazohpa ao pakhâta ta nathliepa ta, a mohmô liata hmo dopa taopa ta, a biepiepazy nathliepa ta, a bieraopazy na zyh khiahta cha, Izi mo chô liata hri ei patlôsapazy kha, na chô liata kheihawhpa hmah patlôsa aw va na, Kei he Zehôvâh Râfâ ei châ,” tah ta.

ISAI 28:23

Nah pachôh u la, Ei ao thei teh u; Nathlie u la, Ei bie thei teh u.

ISAI 43:12

Keima tlai he bie a reih tyhpa kha châ na ta, A pachhapa nata bie a chho tyhpa kha ei châ; Nama hry liata khazoh hropa rai vaw y beih veih ei. Chavâta nâmo cha nâ pahnokheituhpazy châ ei chi ta, Kei he Khazohpa cha ei châ,” Abeipa ta a tah.

HÔSIA 4:1

Hy Izarei sawzy saih u, Abeipa bie thei teh u; He râh liata a pahrâpazy Abeipa ta a cha leih ei: Ngâchhihna charei leipa ta, Ngiachhiena charei hra leipa ta, Râh liata Khazohpa pahnona y vei.

MALAKHAI 2:11

Zudâh ta ngâchhihna pahlei ha ta, Izarei nata Zerusale liata hmo pasichhihpazy taopa a châ. Zudâh ta chihropa khazoh sawchanôzy lapinô ta hnei ta, Abeipa ta a pasô ngaitapa a supathaihpa cha a papuapalei haw.

RYHPACHANEINA 32:12

Abeipa tlai ta Zakaw cha a chhi ta, Râh hropa khazoh a hnohta y beih veih ei.

RYHPACHANEINA 6:14

Khazoh hropa, nama chheipâh liata a ypa chihropa khazohzy namâ chhy awpa châ vei.