HLAZY 78:6 - Mara Bible RV (BSI)

⁶ Chatanachata chhâ a vaw y awpazy ta pahno aw ei ta, Hawti a pih mâh leipazy chhao ta vaw pahno aw ei ta, Thyu aw ei ta ama pathlazy ama chho pachhuah lymâ aw.

HLAZY 78:6 ပူးပေါင်းရင်းမြစ်များ

ESTHERI 9:28

Cha nohzy cha chhâ zydua ta a theipa ta chay tyh awpa châ ta, pho to, râh to nata khihpi to liata Zuzy hry liata, Puri nohzy cha hmâh leipa ta a y awpa châ vei. Ama pathlazy lia chhao ta, cha nohzy atheithlâhna cha pachhâsa beih lei awpa ta bie amâ taih.

HLAZY 102:18

He he chhâ a vaw y awpa châta ropa châ aw ta, Phopi a y mâh leipazy chhao ta Abeipa cha ama reithai aw:

HLAZY 145:4

Chhâ kha tawhta chhâ hropa lâta, Na hmotaopazy reithai pachhuah lymâ aw ei ta, Na hmotao rônahpazy ama phuah lymâ aw.

HLAZY 22:31

A vy aw ei ta, Phopi a pih mâh leipa hnohta A siana thâtih phuah aw ei ta, A patlô haw tahpa ta ama chho aw.

HLAZY 48:13

Chhâ a vaw y awpazy chho awpa ta, Khôtho lâ tawhta thokhy pathopazy pachâ u la, Abei o thokhyzy chahryh teh u.

HLAZY 71:18

Chavâta Hy Khazohpa, Machâpa nata sâ pawhpa ei châ tita, Na siesai khah y; Chhâ a vaw y awpa hnohta na thatlôna ei phuah hlâlei cha, Na siesai leipa la; Miah a vaw pazi awpazy hnohta Na hmotaotheina ei phuah hlâlei cha, Na siesai hra khah y.

HLAZY 90:16

Châ chakaotuhpazy ta na hmotaopa hmô ei sala, Ama pathlazy ta na hmotaotheina rônahpa hmô mawh ei sy!

PUASAINA 10:2

Chatanachata na sawchapawpa nata na samohpa nah theina liata Izi râh chô liata ei hmotaoziezy nata ama hry liata hmonoâhpa ei taopazy he chho aw chi ta, kei he Abeipa ei châ tahpa nama pahno thei aw,” tah ta.

ZÔELA 1:3

Nama sawzy chho u la, Nama sawzy ta ama sawzy chho ei sala, Ama sawzy ta chhâ hropa chho mawh ei sy.

RYHPACHANEINA 4:10

Hôribâ liata Abeipa nama Khazohpa hmiakô liata namâ dua noh kha a thei thlâh ha teh u. Abeipa ta ei hnohta, ‘Zawpizy ei hmiakô liata awpakhy teh. Ei biezy ei pahnosa aw ei. Chatanachata alei chô liata ama hro chhôh zydua ta na chi awpa ta a chu aw ei ta, ama sawzy chhao ama pachu pachhuah thei aw,’ tah ta.