HLAZY 78:55 - Mara Bible RV (BSI)

⁵⁵ Ama hmiakô liata phopizy papua ta, Ama râhzy cha Izarei chizy ryuto châta pachhaih ta, Izarei chizy cha phopizy poh ozy liata a pahrâsa ei.

HLAZY 78:55 ပူးပေါင်းရင်းမြစ်များ

HLAZY 44:2

Nâma ku tlai ta phopizy papuapa ta, Miah pathlatuhpazy cha loh chi ta; Phopizy pasasa chi ta, Miah pathlatuhpazy deikua cha na pabohsa ei.

HLAZY 44:3

Ama zaozi ta râh he pahnie leipa ei ta, Ama bâh ta pachhana tlôkhei hra veih ei; Ama chô liata nâ lypa vâta, Na ku chachâh lâ nata nâma bâh tlai ta âmo cha pachha chi ta, Na hmia khaihna ta na pachha ei.

ISAI 34:17

Âmo châta nuby a dao ha ta, A ku ta chaori thlie ta, Ama tovyuh râh a pie chyu ei; Chhâzaw ta hnei aw ei ta, Chhâ zydua ta cha liata ama pahrâ aw.

MALUHREINA 33:54

A pho pho ta nuby a dao aw ei chi ta, râh cha ryuto châta namâ rai aw. Chi lai viapazy cha ryuto râh lai via pie aw ei chi ta, chi chyh viapazy cha ryuto râh chyh via nama pie aw. Nuby ta a tlupa hawhta ama tovyuh a châ lymâ aw. Ryuto râh cha châ pathlatuhpazy chi yzie lymâ hawhta nama to awpa a châ.

ZAWSUA 13:7

Chavâta tahmâ chi chakipazy nata Manase chi khophiezy hnohta he râhzy he ryuto châta rai mah y,” tah ta.

ZAWSUA 19:51

Chazy cha theihthaipa Eliaza, Nunâ sawchapawpa Zawsua nata Izarei chizy liata pho pawhrâhpazy ta Silô khihpi liata ahmaohna poh o chhikao liata Abeipa hmiakô ta nuby a daopa ta ryuto râh ama raipazy a châ. Cha hawhna chata râh araina cha ama patlô haw.

ZAWSUA 21:43

Cha hawhna chata Abeipa ta Izarei sawzy cha, ama pathlatuhpazy hnohta pie awpa ta bie â vaw taihpa râh zydua pie ta. Chatanachata râh cha hnei ei ta, cha liata pahrâ ei ta.

ZAWSUA 23:4

Pachâ teh u, phopi pahnie mâh leipazy nata kei tlai ta ei chhawh pathlah hapa, Zawdâh tawhta notla lâ Tilaipi Laipa tlôna taihta phopizy râh cha, nama chizy ryuto râh châta ei cha pie ei.