HLAZY 78:5 - Mara Bible RV (BSI)

⁵ Zakaw châta bieraopa padua ta, Izarei châta ryhpa a tao; Ama pathlazy pachu awpa ta, Miah pathlatuhpazy hnohta bie a pie ei.

HLAZY 78:5 ပူးပေါင်းရင်းမြစ်များ

ÂTHAONA 18:19

Ano hnôhlâ ta a sawzy nata a chhôhkhazy ta Abeipa lâpi a chhihpa ta, siana nata adona tao awpa ta bie a pie thei nawpa ei ta, ano cha ei tlyhpa a châ. Chatanachata Abeipa ta Abarahâ hnohta bie â taihpa zydua a patlôsa aw,” tah ta.

HLAZY 119:152

Na bieraopazy cha chhâzaw châta taopa a châzie, Hlâno tawhta ei vaw pahno haw.

HLAZY 147:19

Zakaw hnohta a bie phuah ta, Izarei hnohta a bieraopazy nata a ryhpazy a phuah.

HLAZY 19:7

Abeipa ryhpa cha phapaki ta, Hro a taopathi; Abeipa bieraopa cha ngâ a chhih ta, Ahrupa a pasosa.

HLAZY 81:5

Zawsi châta bieraopa ta tao ta, Izi râh lâ a sie nota a bieraopa châ ta, Reih thei leipazy hry liata a y nota a bieraopa a châ.

PUASAINA 12:27

nâmo ta, ‘He he Abeipa Zawpakhô atheihna a châ. Abeipa ta Izi mo a thie nota, Izi râh liata Izarei sawzy o cha a zawpakhô ta, eima ozy a pahlôhpa atheithlâhna châta ei tao tyhpa a châ,’ nama tah aw,” tah ta. Chatawhcha zawpizy cha ama luh a bôhpa ta Abeipa a chhy ei ta.

PUASAINA 25:16

Byh chhôh liana chata biehrai ei cha pie awpa cha na khô awpa a châ.

PUASAINA 25:21

Zawngiahna dyuchhai cha Byh chô liata patyuh aw chi ta, biehrai ei cha pie awpa cha byh chhôh liata na khô aw.

PUASAINA 40:20

Biehrai la ta, Byh chhôh liata khô ta, Byh cha a lâzy hrei ta, Byh chô liata zawngiahna dyuchhai soh ta.

PUASAINA 40:3

A chhôh liata Biehrai Byh soh aw chi ta, Byh cha pohraipa ta na chhôkhâh aw.

ISAI 38:19

Tanoh ta ei taopa hawhna heta, Ahrohpa, a châ na, ahrohpa deita ta Alyna bie cha hlâ thei aw ta; Paw ta sawzy hnohta Na ngâchhihna a pahnosa aw ei.

ISAI 8:20

Ryhpa nata bieraopa hawhta bie a reih leipazy cha, âmo châta khih a deih mâh leipazy ama châ.

RAWMA 3:2

Kyh to liata a phahnai. A phahnaina chaipa cha, Khazohpa biezy pavaosapa ama châpa he a châ.

EPHESI 6:4

Nâmo, pawzy saih u, nama sawzy ru pachhô leipa u la, Abeipa chhoreina nata pachuna liata tlao mohôh teh u.

RYHPACHANEINA 11:19

Nama sawzy pachu aw ei chi ta, nama o liata namâ tyu nota zy, lâpi liata nama sie nota zy, namâ zia nota nata nama thyu daihti zy liata nama reih tyh aw.

RYHPACHANEINA 31:13

Ryhpa a pahno mâh leipa ama sawzy chhao, Zawdâh chakapa ta nama hnei awpa râh liata nama y chhôh zydua Abeipa nama Khazohpa china amâ chu lymâ thei nawpa ta, ryhpa he thei ta, amâ chu hra awpa a châ,” tah ta.

RYHPACHANEINA 32:46

ama hnohta, “Tanoh nama hnohta bie ei reipa zydua liana heta nama pathipalôh khâchâ pachhô u la, he ryhpa bie zydua he zyh ta, tao awpa ta nama sawzy biepie teh u.

RYHPACHANEINA 4:45

Hezy he Izi râh tawhta ama kaw pua nota, Mawsi ta Izarei sawzy hnohta a reipa pahnosanazy, bieraopazy nata pachianazy a châ.

RYHPACHANEINA 6:7

Nama sawzy phahnai khoh ngaitapa ta pachu aw ei chi ta, nama o liata namâ tyu nota zy, lâpi liata nama sie nota zy, namâ zia nota zy, nama thyu daihti zy liata nama reih tyh aw.