HLAZY 78:43 - Mara Bible RV (BSI)

⁴³ Izi liata ngiana a taopazy a thei khao leipa ei ta, Zônâ lyuzy liata a hmonoâh taopazy a thei khao hra veih ei.

HLAZY 78:43 ပူးပေါင်းရင်းမြစ်များ

NEHEMIAH 9:10

Phiraoh nata a chakaotuhpa zydua nata a râ chyhsa zydua ta miah pathlatuhpazy chô liata a palai ngaitapa ta hmo ama taopa na pahnopa vâta, ama chô liata ngiana nata hmonoâhpazy tao chi ta, tanoh eima hmôpa hawhna heta, na moh nâ tao haw.

HLAZY 135:9

Hy Izi, ngiana nata hmonoâhpazy na chhôh liata vaw tuah ta, Phiraoh nata a chakaotuhpa zydua chô liata a vaw tuahtuhpa kha Abeipa a châ.

HLAZY 78:12

Ama pathlatuhpazy mohmô ta hmonoâhpazy tao ta, Izi râh Zônâ lyuzy liata hmonoâhpazy a taopa ei.

PUASAINA 4:21

Abeipa ta Mawsi hnohta, “Izi râh lâ na kua tita, hmonoâhpa tao theina ei cha piepa zydua kha, Phiraoh hmiakô liata tao tlai mah y. Châhrasala a palôh kuh pachhasa aw na ta, phopi cha pasiesa aw vei.

PUASAINA 7:3

Ngiana nata hmonoâhpazy Izi râh liata ei papôhsapa chhao ta, Phiraoh palôh cha a kuh ei pachhasa ha aw.

HMOTAOPAZY 7:7

Châhrasala Khazohpa ta, ‘Sei châpa ta ama chakaopa phopi cha pachia aw na ta, cha khai tawhta kaw pua aw ei ta, he su liata eina chakao aw ei,’ tah ta.

RYHPACHANEINA 4:34

Abeipa nama Khazohpa ta Izi râh liata nama mohmô lia tlai ta nama châta a taopa hawhna khata, pasiana ta zy, ngiana ta zy, hmonoâhpa ta zy, adyuhna ta zy, ku thatlôpa ta zy, bâh pazawhpa ta zy, hmo chichhih ngaitapa taopa zy ta, phopi miakha tawhta phopi miakha la papuapa ta, ano phopi a paduapa khazoh a y beih ma?

RYHPACHANEINA 6:22

Abeipa ta ngiana nata hmonoâhpa rônahpa nata nôpochhih ngaitapazy Izi râh nata Phiraoh nata a chhôhkha zydua chô liata eima mohmô ta palâsa ta.