HLAZY 77:18 - Mara Bible RV (BSI)

¹⁸ Na tôkalôhpa pyu cha khisô liata y ta, Na dôhlazy ta khizaw pakhaihsapa ta, Alei he a chalyu ta â chatho.

HLAZY 77:18 ပူးပေါင်းရင်းမြစ်များ

2 SAMUELA 22:14

Abeipa cha avâ tawhta a vaw thua ta, Chônôchaipa ta a ao a papua.

2 SAMUELA 22:8

“Alei he a chathopa ta a chalyu ta, A hie a hâhpa vâta, Avâzy abôna a chachhao ta â sih.

HLAZY 104:7

Na rapa vâta tizy a râ ei ta, Na tôkalôhpa pyu vâta rawrôhpa ta amâ râ haw.

HLAZY 18:14

A châtaizy kapa ta âmo cha papai ta, Dôhlazy chakeihsa ta â chadaipai ha ei.

HLAZY 18:15

Hy Abeipa, na rana vâta, Na hnapasu tawhta hu a puapa ta, Tilaipi chaozy hmô theipa châ ta, Khizaw abônazy â lâ khai.

HLAZY 18:7

Alei he a chathopa ta a chalyu ta, A hie a hâhpa vâta, Tlâhpizy abôna chhao a chachhao ta â sih.

HLAZY 97:4

A dôhlazy ta khizaw pakhaih ta, Alei ta hmô ta â chalyu.

PUASAINA 19:16

A noh thôhna noh my ta tôkalôh a vaw thua ta, dôhlazy vaw pathlie ta, tlâh chô liata meihdo chhakaluhpa a vaw chhoh ta, chiahmie paro ngaitapa vaw paro ta, riehmo liata a ypa chyhsa zydua cha a chalyu ei ta.

PUASAINA 19:18

Abeipa ta Sinai Tlâh liata mei ta a za chôpa vâta, tlâh cha meikhuh ta pahly khai ha ta. Cha meikhuh cha patina meikhuh hawh tlai ta avâ lâ kiah ta, a tlâh duata thata a chalyu ta.

HABAKU 3:4

A pathliezie cha khaihna hawhta châ ta, A ku tawhta khaihna noh ri hawhta a vaw pua; Cha liata a hmotaotheina nyupa a châ.

MATHAI 27:51

Achhyna o pohraipa cha, a chô lâ tawhta a ry lâ taihta â khophie ta a hrie ta, alo a sih ta, lôpanôzy a patlaw ta.

MATHAI 28:2

Alo thata a vaw sih ta, vârâh tawhta Abeipa vâlyuhchâpa za chô ta, thlâ pamaina lô cha pasie ta, a chô liata a tyuh ta.

BIEPHUAH 11:19

Chatawhcha avâ liata Khazohpa Achhyna o cha pahypa châ ta, Achhyna o chhôh liata a biehrai byh a vaw lâ ta. Dôhlazy vaw pathlie ta, aozy vaw pua ta, tôkalôhpazy a vaw thua ta, alo a sih ta, pareih thata a tla.

BIEPHUAH 18:1

Cha khai tawhta vâlyuhchâpa hropa avâ tawhta a zâ chôpa hmô na ta. Biehneina lai ngaitapa hnei ta, a rônahna ta alei pakhaihsa khai ha ta.

BIEPHUAH 20:11

Chatawhcha beidyuchhai diehpa rônahpa nata a chô liata a tyuhpa hmô na ta. A hmiakô tawhta alei nata avâ a râ ei ta, âmo châta su rai y khao vei.

RYUREITUHPAZY 5:4

“Hy Abeipa, Seirâ tawhta pua chi ta, Edômâ râh tawhta na sie nona kha, Alei a chalyupa ta avâ za tla ta, Meihdozy ta ti a za pathla.