HLAZY 77:10 - Mara Bible RV (BSI)

¹⁰ Chatawcha ei palôh liata, “Chônôchaipa ku chachâh lâta hmo a tao khao leipa he, Keima adoleina vâta a châ,” tah na ta.

HLAZY 77:10 ပူးပေါင်းရင်းမြစ်များ

ZAWBÂ 42:3

‘Pahnona hnei leipa ta ei ryhraona a nyuthutuhpa cha, Ahy ma a châ tly?’ na tahpa hawh tlai ta, Ei novâh leipa biezy vaw reih na ta, Ei pahno leipa bie, kei châta noâhchhihpa biezy ei vaw reih ha tlai.

HLAZY 116:11

Chipa ta y na ta, “Chyhsapa zydua a haihpa sai ama châ,” Ei vaw tah thlâh ha cha.

HLAZY 31:22

Kei hra ta ei rawrôhpa ta, “Na mohmô tawhta chhawh pathlahpa ta ei y haw,” tah na ta; Châhrasala baona hiapa ta ei cha aw tita, Zawngiah awpa ta ei châ hawna ao na thei heih.

HLAZY 73:22

Ahrupa nata hmo a pahno leipa châ na ta, Na hmiakô liata râhsa hawhta ei ypa kha.

HLAZY 77:5

Hlâno daihtizy rohpady na ta, Kô hluhpi a khô hapazy ei pachâ tyh.

PUASAINA 15:6

Hy Abeipa, na ku chachâh lâ liata hmotaotheina rônahpa y ta, Hy Abeipa, na ku chachâh lâta khakhaipa a chaphie khai haw.

ISAI 63:15

Vârâh tawhta za sai la, moh tua, Na pathaihna su tawhta za sai la, Na rônahna su tawhta za sai tua. Na phahnai ngiahna kha khataih liata y ta, Na thatlôna khataih liata a y haw? Na palôh pathyuna nata na thapasana zy kha, Eima châta pakhâpa a châ ha he zaw.

MÂKA 9:24

Hawtipa paw cha thlai awh ta, “Ei ngiâpâ na, ei ngiapâleina liata na bao mah y,” tah ta.

RYHPACHANEINA 4:34

Abeipa nama Khazohpa ta Izi râh liata nama mohmô lia tlai ta nama châta a taopa hawhna khata, pasiana ta zy, ngiana ta zy, hmonoâhpa ta zy, adyuhna ta zy, ku thatlôpa ta zy, bâh pazawhpa ta zy, hmo chichhih ngaitapa taopa zy ta, phopi miakha tawhta phopi miakha la papuapa ta, ano phopi a paduapa khazoh a y beih ma?