Dyhchhiepazy chô liata adona ta ryureih aw ta, Lei chyhsa nônaipazy châta a khongâh kawpa ta a pachia aw. A pakah chôchahrei ta nôchhiepazy tu aw ta, A hmao hu ta hmoparaopazy a thie aw.
Thawh ei ta, Ama mitlaoh pha kaw. Moleina hmo taona kyh liata deikua, Â daihpa pahno veih ei; Paw hnei leipazy amâ tivy thei nawpa ta, Adona ta ama bie pachiapa leipa ei ta, Dyhchhiepazy pikhei tovyuh a duakhei veih ei.
Nâmo, khizaw liata areisipa zydua saih u, Abeipa cha pado u la; Nâmo, a biepiepa a zyhpa zydua saih u, Abeipa cha pado teh u. Siana tlua u la, Nawhna tlua teh u; Chatanachata Abeipa hiehâhna noh liata Nyupa nama châ aw.
Abeipa ta Mawsi nata Arawna nata Miria zy cha bie thlai a chho ta, ama hnohta, “Nama pathôh ta vaw pua u la, ahmaohna poh o lâ a vy teh u,” tah ta. Ama pathôh ta vaw pua ei ta.