HLAZY 76:10 - Mara Bible RV (BSI)

¹⁰ Hmeiseihta ta, chyhsapa chô liata na pathiiana cha, Nâma reithaina châ aw ta; Na pathiiana tawhta a bohpazy cha, Chaisaih ta nâ saih aw ei.

HLAZY 76:10 ပူးပေါင်းရင်းမြစ်များ

ÂTHAONA 50:20

Nâmo ta la ei chô liata hmo pha leipa tao a chhuah ei chi ta, châhrasala Khazohpa ta kha hmo kha hmo phapa châta tlao â chhuahpa a châ. Tanoh ta hmo a ypa hawhna heta, chyhsa hrona hluhpi pachhapa a châ thei nawpa ta, Khazoh hmochhuahpa a châ.

HLAZY 104:9

Alei ama vao heih khao lei nawpa ta, Ama khô lei awpa râhri na pakhâh.

HLAZY 12:6

Abeipa biezy cha bie pathaihpa châ ta, Alei liata patina meihô liata tâkâ a thlipasohpa hawhta, Ei sari a thlipasohpa a châ.

HLAZY 46:6

Phopizy a tyhreihpa ta, Khinarâhzy pao ei ta; A ao papua ta, Leilô he a zao khai haw.

HLAZY 65:7

Tilaipi a aoh ngâpazy chalihsa chi ta, Ama tichatlaopa a aoh ngâpazy chalihsapa ta, Phopizy atlaokalina na chalihsa haw.

HLAZY 82:8

Râh zydua he na ryuto châ ta, Chavâta Hy Khazohpa, thyu la, Khizaw liata ryureih mah y!

PUASAINA 18:11

Tahmâ la Abeipa he khazoh zydua hlâta rônah viapa a châzie ei pahno haw. Izarei phopi chô liata a palai ngaitapazy chô liata a hmotaozie tawhta â lâ haw,” tah ta.

ISAI 11:4

Dyhchhiepazy chô liata adona ta ryureih aw ta, Lei chyhsa nônaipazy châta a khongâh kawpa ta a pachia aw. A pakah chôchahrei ta nôchhiepazy tu aw ta, A hmao hu ta hmoparaopazy a thie aw.

MATHAI 24:22

Cha nohzy cha pachyusapa châ leipa sala, chyhsa ahy hmah a hrohpa y aw veih ei. Châhrasala atlyhpazy vâta, cha noh cha pachyusapa a châ aw.

ZAWHÂNA 19:22

Pilâ ta a chhy ta, “Ei ropa cha ei ropa a châ,” tah ta.

RAWMA 9:17

Chavâta Biehrai ta Phiraoh hnohta, “He hmo châta ei cha padua, ei hmotaotheina nâma liata paluahsa ta, khizaw zydua liata ei moh pathâhsapa ta a y thei nawpa ta,” a tahpa a châ.

BIEPHUAH 11:18

Phopizy ama hiehâh ta, Na pathiiana a vaw tlô; Cha cha athihpazy pachiana daihti châ ta, Châ chakaotuhpa hrohsopazy nata mopathaihpazy Lymâ piena daihti a châ. Na moh a chituhpa a lai a chyh ta Lymâ piena daihti châ ta, Leilô paraotuhpazy paraona daihti a châ,” tahpa ta Khazohpa a chhy ei ta.