HLAZY 75:8 - Mara Bible RV (BSI)

⁸ Abeipa ku liata cha, Kresawhti pahâhpa nyu a y; Kresawhti cha a buchaphy pua ngâ ta, Abeipa ta patlai ta, Khizaw liata moleipa zydua ta doh ei ta, A chaopahrâ taihta ama doh khai haw.

HLAZY 75:8 ပူးပေါင်းရင်းမြစ်များ

ZAWBÂ 21:20

Ama mo tlai ta ama raona cha hmô ei sala, Atotaotheipa pathiiana cha doh mawh ei sy.

HLAZY 11:6

Moleipazy chô liata meiia nata kaih pasuasa sala, Ziza sahpa cha ama tovyuh nyu châ mawh sy.

HLAZY 60:3

Na phopi he hmo rupazy pahmôsa chi ta, Kresawhti miah pado chi ta, Paochheichhâpa ta miah na tao haw.

HLAZY 73:10

Chavâta a phopi cha âmo lâ kua ei ta, Âmo liata adoleina hmô veih ei.

BIESOZY 23:30

Âmo cha kresawhti dona liata a y parei tupazy châ ei ta, Kresawhti pahlaopa do awpa ta a puapazy ama châ.

ISAI 5:22

Kresawhti dona liata ama riahpha kaw ta, Sahma thatlôpa pahlaona liata pasaipha kawpazy cha, Ama hu a po na!

ISAI 51:17

Hy Zerusale, a hra la, Nâmasasyh ta a pahra la, a duah teh. Nâ, Abeipa ku tawhta a hiehâhna nyu doh chi ta, Biebuh chaopahrâ taihta dohpa ta, Paochheichhâna nyu a dohtuhpa y, A hra la, nâmasasyh ta a pahra mah y.

ISAI 51:22

Nama Beipa Zehôvâh ta hetana heta tah ta, A phopi a reikheituhpa nama Khazohpa ta hetana heta a tah: “Paochheichhâna nyu nama ku tawhta la ha na ta, Ei hiehâhna nyu doh khao aw veih ei chi.

ZEREMIAH 25:15

Abeipa, Izarei Khazohpa ta hetana heta eina chho: “He hiehâhna kresawhti nyu he ei ku tawhta la la, ama hnohta ei cha tuana phopi zydua padosa mah y.

ZEREMIAH 25:17

Chatanachata nyu cha Abeipa ku tawhta la na ta, Abeipa ta eina tuana, he phopi zydua he ei padosa ei:

EZEKIA 23:34

Nyu chao chhâna taihta doh aw chi ta, Nyu keina taihta pakhei aw chi ta, Cha chata na sâhpizy na hriechheih aw; Kei ta ei reih haw, Abeipa Zehôvâh ta a tah.

BIEPHUAH 16:19

Khihpi rônahpa cha su thôh ta a vaw patlaw ta, phopi to khihpizy cha pao ta. Khazohpa ta Babylaw rônahpa cha a thei thlâh ha ta. Chatanachata a hiehâhna ru ngaitapa kresawhti nyu cha a hnohta pie ta.

1 SAMUELA 2:7

Thokha dyhchhiepa ta tao ta, Thokha hneirôhpa ta a tao. Thokha panawhsa ta, Thokha a pasâhsa.