HLAZY 74:20 - Mara Bible RV (BSI)

²⁰ Lei su zohpazy cha thachahra hmâna ta a bie hapa vâta, Na biehrai pachâ tyh mah y.

HLAZY 74:20 ပူးပေါင်းရင်းမြစ်များ

2 SAMUELA 23:5

“Ei pathlazy he Khazohpa hmiakô liata paduapa châ veih ei ma? Khazohpa ta chhâzaw biehrai ei hnohta hraih ta, Ato yzie pahneisapa ta a pa-i. Chavâta ei pachhana kih patlô leipa ta ypa ta, Ei khopa na pie leipa ta a y aw ma?

HLAZY 105:8

A biehrai khâ a thei ta, A bietai chhâ sâh hluhpi taihta â thei thlâh haw.

HLAZY 106:45

Ama hnohta a biehrai a thei heih tyh ta, A kyhpachâna tleih beih leipa rônah ngaitapa vâta, A palôh a panano heih tyh.

HLAZY 5:8

Hy Abeipa, ei chariahpazy vâta na siana liata nâ chhi la, Ei hmiakô liata na lâpi patlâsa mah y.

HLAZY 89:28

Ei kyhpachâna tleih beih leipa cha, Ano châta chhâzaw ta soh aw na ta; Ei biehrai ano châta â i lymâ aw.

HLAZY 89:39

Châ chakaotuhpa chô liata na biehrai parao chi ta, A lakho dohlei liata na papuapalei haw.

ZEREMIAH 14:21

Na moh vâta rie miah dytha leipa la, Na rônahna beidyuchhai moh pachhie khah y; Eima hnohta na biehrai kha a thei la, Rie parao khah y.

RYHPACHANEINA 12:31

Abeipa na Khazohpa cha âmo taozie hawhta namâ chhy awpa châ vei. Ama khazohzy amâ chhyzie liata, Abeipa ta â haopa hmo pasichhihpa to tao ei ta, ama sawchapawzy nata ama sawchanôzy taih mei liata raopa ta ama khazohzy lâta ama hlâ tyh.

RYHPACHANEINA 9:27

Châ chakaotuhpa Abarahâ, Aisika nata Zakaw zy a thei thlâh ha la, he phopi chhoruna, hmoparaona nata moleina he rie moh khah y.

HEBRAI 8:10

Cha nohzy hnôhlâ ta, Izarei pathlazy hnohta biehrai ei tao awpa cha he he a châ, Abeipa ta a tah: Ama pachânazy liata ei ryhpa biezy soh aw na ta, Ama palôhzy liata ei roh aw; Ama Khazohpa châ aw na ta, Ei phopi ama châ aw.