Mietaku sadôzy liata a ypa chanôzy cha, Tâkâ ta pahupa mathlaw a hneipa vachhuh lyu ei ta, A mathlaw pawhmaozy liata ngôh patliepa a ypa hawhta ama châ.
Hy ei vachhuh, lôpanô keipazy liata a nyu chi ta, Lôkâhpa khuazy liata a y tyhpa y, Na hmia na pahmô la, Na ao na patheisa mah y; Na ao thlôh ta, Na hmia kho â chhih kaw dia!
Âh, nâ ngia tlai na, ei lôhdunô, Na vaw chhithai tlai na! Nâ khuna poh ry liata na mozy vachhuh lyu ta, Na sâ chhao Kilia tlâhzy tawhta a zâ chôpa mie hrizy a lyu.
Ei vachhuh, keima phapakinô deikua cha, Pakha deita a y; A nô sawchanô hnei chhôhpa châ ta, Ano a satuhpa a nô mody chaipa a châ. Chanôzy ta ano cha hmô ei ta, Nohlao ama tah. Beinôzy nata nôthozy chhao ta ano cha hmô ei ta, Hetana heta ama reithai: