HLAZY 73:27 - Mara Bible RV (BSI)

²⁷ Pachâ teh, nâma châ hlapazy cha leidia aw ei ta, Na châta ngâchhih leipazy cha ama chhâna na patlôsa tyh.

HLAZY 73:27 ပူးပေါင်းရင်းမြစ်များ

1 THÂTIHZYRONA 10:13

Sawla cha Abeipa châta ngâ â chhih leipa vâta a thi hapa a châ. Abeipa biepiepa zyh leipa ta, pachaothaipazy tlao a saohiah ta a pachaosa tyh ei.

ESTHERI 9:30

Ahasuarâ abeina râh 127 liata a ypa Zu chyhsa zydua hnohta, thlalôhna bie nata biehmeiseihpa hmâpa ta châ ama paphao.

HLAZY 106:39

Ama hmotaopazy vâta pathaih leipa châ ei ta, Ama hmotaopazy liata sihryhpa ama vaw châ haw.

HLAZY 119:155

Na bieraopazy ama tlua leipa vâta, Pachhana cha hmoparaopazy tawhta â hla kaw.

PUASAINA 34:15

Cha râh liata a pahrâpazy hnohta biehrai tao lei awpa ta a vaih teh u. Chataleipatala ama khazohzy liata sihryhpa ta, ama khazohzy lâta amâ theih tita, cha hrua aw ei ta, amâ theihna sa nama nie pathlei aw na.

ISAI 29:13

Chatawhcha Abeipa ta, “He phopi heta ama pakah ta nâ vaw hnia ei ta, Ama hmao ta eina palyupalih ei; Ama palôh deikua cha nâ hla kaw ta, Eina china chhao ei cha, Chyhsapa pachuna biepiepa deita a châ.

ZEREMIAH 12:2

Âmo cha loh chi ta, thari thla ei ta, Laiseih ei ta, thei ama pathei tyh. Ama pakah a hnia chi ta, Ama palôh deikua cha nâ hla kaw.

ZEREMIAH 17:13

Hy Abeipa, Izarei hnabeiseihpa y, Châ siesaipa zydua cha maophyuh aw ei ta, Châ tleisaipazy chhao, Abeipa, hrona tihnawh ama siesaipa vâta, Dohlei liata moh ropa hawhta ama leidia aw.

MALUHREINA 15:39

Chysia pai pangiasana cha moh tyh aw ei chi ta, Abeipa biepiepa zydua a theipa ta nama zyh lymâ nawpa châta châ aw ta, chatanachata nama palôh nata nama mo ta a khopa lâ sie leipa aw ei chi ta, nama sihryh tyhna lâ tlei leipa ta nama y thei aw.

EPHESI 2:13

Tahmâ Krista Zisu liata deikua cha, nâmo, eikhano ta lâhlapi ta a y tyhpazy kha, Krista thisaih ta pahniasapa ta nama y haw.

EPHESI 2:17

Krista â vy nona khata, nâmo, lâhlapi ta a ypazy hnohta aryhna bie cha chho ei ta, lâhnia liata a ypazy hnohta chhao a cha chho hra ei.

ZÂMIE 4:4

Nâmo, apheipa saih u, khizaw viasa châpa he Khazohpa nata akhakhaina a châ tahpa pahno veih ei chi ma? Chavâta ahy rai khizaw viasa châ a khohpa maih, Khazohpa khakhaipa ta â tao tyh.