HLAZY 73:16 - Mara Bible RV (BSI)

¹⁶ Cha hmo cha pahno ei chhuah nahta, Kei châta pahno ru ngaitapa châ ha tyh ta;

HLAZY 73:16 ပူးပေါင်းရင်းမြစ်များ

HLAZY 36:6

Na siana cha Khazohpa tlâhzy hawhta châ ta, Na ryureina chhao ti a thu ngaitapa hawhta a châ; Hy Abeipa, chyhsapa nata sazy na pabohsa ei.

HLAZY 39:6

A châ na, chyhsapa he la, Nohpahlipa hawh dei ta khizaw liata charei ta, Hraoleipa hmo liata a tymâpa ta, A chhâna lâta ahy ma a pakhy aw tahpa pahno leipa ta, Sôh hluhpi a pachô.

HLAZY 77:19

Na lâpi ta tilaipi siepahlie ta, Na lâthlôh ta ti lai ngaitapazy a siepahlie; Chatanachôta na pheihniezy hmô awpa y vei.

HLAZY 97:2

Meihdo nata zoh kaluhpa ta Abeipa chadô ei ta, Siana nata adona cha a beidyuchhai abôna a châ.

BIECHHOTUHPA 1:17

Chatanachata sona kyh pahnopa ta, hruna nata ngâna kyh chhao pahno awpa ta ei palôh hmâh na ta. Cha chhao cha thlih a chadaipa deita a châ tahpa ei pahno haw.

BIECHHOTUHPA 8:17

Khazohpa raihria zydua moh na ta, noh ry liata hmo a ypa zydua he chyhsapa ta pahno khai thei vei tahpa ei pahno haw. Chyhsapa ta thata hriapasapa ta tlua hra sala, hmô papua khai beih aw vei. Chyhsa sopa chhao ta, a pahnopa hawhta a reih hra sala, hmô papua khai thei beih aw vei.

RAWMA 11:33

Hy â thu kaw dia, Khazohpa hneirôna, Sona nata pahnona zy cha! A ryureinazy pahno thei awpa châ leipa ta, A lâpizy chathô thei awpa châ vei.