HLAZY 72:18 - Mara Bible RV (BSI)

¹⁸ Abeipa, Izarei Khazohpa cha, Reithaipa ta y mawh sy; Ano deita he hmonoâhpazy taotuhpa a châ.

HLAZY 72:18 ပူးပေါင်းရင်းမြစ်များ

1 THÂTIHZYRONA 29:10

Chavâta Dâvi cha zawpi zydua hmia­kô liata Abeipa reithai ta. “Hy Abeipa, miah pathlatuhpa Izarei Khazohpa y, chhâzaw nata tlyzaw ta reithaipa ta y mah y.

1 THÂTIHZYRONA 29:20

Dâvi ta zawpi zydua hnohta, “Abeipa nama Khazohpa cha reithai teh u,” tah ta. Zawpi zydua ta Abeipa, ama pathlatuhpazy Khazohpa cha reithai ei ta, a bôh ei ta, Abeipa nata abei cha a naoh ei ta.

ZAWBÂ 5:9

Ano cha hmo rônahpa nata pahno pha leipazy taotuhpa châ ta, Hmo noâhchhihpa rei tiah leipazy taotuhpa a châ:

ZAWBÂ 9:10

Ano cha hmo rônahpa pahno thei leipa taotuhpa châ ta, Hmo noâhpa rei tiah leipazy taotuhpa a châ.

HLAZY 106:48

Abeipa, Izarei Khazohpa cha, Chhâzaw nata tlyzaw ta reithaipa ta y mawh sy! Chyhsa zydua ta, “Amen!” tah mawh ei sy! Abeipa cha reithai teh u!

HLAZY 136:4

Hmonoâh rônahpazy taotuhpa a y chhôhpa hnohta alyna bie reih teh u, A kyhpachâna tlyzaw ta a daihpa a châ.

HLAZY 41:13

Abeipa, Izarei Khazohpa cha, Chhâzaw nata tlyzaw ta reithaipa ta y mawh sy! Amen! Amen!

HLAZY 68:35

Hy Khazohpa, na supathaihpa liata chizapa châ chi ta, A phopi hnohta hmotaotheina nata thatlôna a piepa, Izarei Khazohpa na châ. Khazohpa cha reithaipa ta y mawh sy!

HLAZY 77:14

Nâ cha hmonoâhpa a taotuhpa Khazohpa châ chi ta, Phopizy hry liata na thatlôna na palâsa haw.

HLAZY 77:15

Na bâh ta na phopi chatlai chi ta, Zakaw nata Zawsi pathlazy na chatlai ha ei. Selah

HLAZY 86:10

Nâ cha rônahpa nata hmonoâh taotuhpa châ chi ta, Nâma deita he Khazohpa na châ.

HLAZY 98:1

Abeipa lâ hla thiehpa sa teh u! Ano cha hmonoâhpazy taotuhpa châ ta, A ku chachâh lâ nata a bâh pathaihpa ta pahniena a to haw.

PUASAINA 15:11

“Hy Abeipa, khazohzy hry liata Nâ hawhpa he ahy ma a y? Pathaihna liata beichaipa châ chi ta, Rônahna liata zachhihpa na châ; Hmonoâhpazy a taotuhpa châ chi ta, Nâ hawhpa he ahy ma a y?