HLAZY 72:17 - Mara Bible RV (BSI)

¹⁷ A moh chhâzaw ta y sala, Noh a chhi chhôh zydua cha, A moh pathâh lymâ mawh sy! Phopi cha ano liata byhnâ topa ta y sala, Râh zydua ta ano cha nohlaopa tah mawh ei sy!

HLAZY 72:17 ပူးပေါင်းရင်းမြစ်များ

ÂTHAONA 12:3

Byhnâ châ awpatuhpa maih byhnâ awpa aw na ta, Chhie châ sapatuhpa maih chhie ei sapa aw; Alei chô liata chi to pho to, Nâma vâta byhnâ topa ta ama y aw,” tah ta.

ÂTHAONA 22:18

Ei ao na nathliepa vâta, na pathla liata khizaw phopi zydua byhnâ topa ta ama y aw, Abeipa ta a tah,” tah ta.

2 SAMUELA 7:13

Ano ta ei moh châta o sa aw ta, kei ta â beinarâh beidyuchhai cha chhâzaw châta ei pa-i aw.

2 SAMUELA 7:16

Na pathlazy nata nâ beinarâh cha ei hmiakô liata chhâzaw ta a duah aw ei ta, na beidyuchhai chhao chhâzaw ta â duah aw,’ tahpa ta kei chho teh,” tah ta.

1 THÂTIHZYRONA 17:12

Ano ta o na sapa aw ta, kei ta a beidyuchhai chhâzaw ta ei pa-i aw.

HLAZY 21:7

Abei ta Abeipa cha ngâ ta, Chônôchaipa zawngiahna vâta a chalyu aw vei.

HLAZY 45:17

Chhâ zydua ta na moh a thei thlâh ha awpa ta cha tao aw na ta, Chavâta râhzy ta chhâzaw nata tlyzaw ta ama cha reithai aw.

HLAZY 89:36

A chipathla tlyzaw ta a duah aw ta, Ei hmiakô liata noh a y chhôh zydua cha, A beidyuchhai â duah lymâ aw.

PUASAINA 3:15

Khazohpa ta Mawsi hnohta reih via heih ta, “Izarei sawzy chho la ama hnohta, ‘Zehôvâh, châ pathlatuhpazy Khazohpa, Abarahâ Khazohpa, Aisika Khazohpa nata Zakaw Khazohpa ta nâmo lâ eina vaw tuah,’ na tah aw. He he ei tlyzaw moh châ ta, chhâ zydua ta einâ thei thlâh nawpa moh a châ.

ISAI 7:14

Chavâta Abeipa tlai ta ngiana a cha pie aw ei. Pachâ teh u, laihsa kôpa ta saw phaoh aw ta, sawchapaw sa aw ta, a moh Imanuel a bi aw.

ZEREMIAH 4:2

Ngâchhihna, adona nata siana ta, ‘Abeipa hrona reipa ta ei reih,’ Tahpa ta bie nâ taih khiahta cha, Phopizy cha Abeipa liata huhiehpa ta y aw ei ta, Ano amâ palaikhei aw.”

MATHAI 1:21

Sawchapaw sa aw ta, a chyhsazy ama moleinazy tawhta a pachha awpa vâta, a moh Zisu na bi aw,” tah ta.

MATHAI 1:23

“Pachâ teh u, laihsa kôpa ta saw phaoh aw ta, Sawchapawpa sa aw ta, A moh Imanuel ama bi aw,” tahpa ta a reipa kha â ki thei nawpa ta a vaw tlôpa a châ. Imanuel cha “Khazohpa eima hnohta a y,” tahna a châ.

LUKA 1:48

A seichanô nawhpa he a ngiachhiepa vâta. Tahmâ tawhta cha, Chhâ zydua ta nohlaonô eina tah aw ei.

HMOTAOPAZY 3:16

Zisu moh ta, Zisu moh angiapâna ta he chyhsa nama hmôpa nata nama pahno tyhpa he a thapatlô ta, ano vâta ngiapâna a vaw ypa ta nama zydua mohmô liata a patlâh ha hih.

KALATIA 3:14

Chatanachata Abarahâ châta byhnâ awna cha, Krista Zisu vâta Zenitaizy hnohta vaw tlô aw ta, Thlahpa taihpa cha ngiapâna ta eima hmô thei aw.

EPHESI 1:3

Khazohpa nata eima Beipa Zisu Krista Paw cha reithaipa ta y mawh sy. Ano chata avâ suzy liana khita Krista zawhzi ta thlahpa lâ byhnâ to miah pie ta.

EPHESI 3:14

Cha vâna chata Paw hmiakô liata pakhu paneihpa ta ei bôh tyh.

PHILIPI 2:10

Chatanachata avâ nata alei nata alei ry liata a ypa zydua ta Zisu moh ta ama pakhu paneih aw ei ta,

KAOLAOSÂ 1:3

Nama châta thlah eima chhâna maihta, Khazohpa, eima Beipa Zisu Krista Paw hnohta alyna bie eima reih tyh.

1 PITY 1:3

Eima Beipa Zisu Krista Khazohpa nata Paw cha reithaipa ta y mawh sy! Ano cha zawngiahna rônah ngaitapa a hneipa a châpa hawhta, athihpa hry tawhta Zisu Krista thyuheihna zawhzi ta hnabeiseihna hrohpa hnei awpa ta miah papihpathisa ta,

BIEPHUAH 15:4

Hy Abeipa, ahy ma cha chi leipa ta y aw ta, Na moh palyupalih leipa ta a y aw? Pathaihpa cha nâ dei na châ. Na pachiana siaziezy palâhâhpa a châ hapa vâta, Phopi zydua a vy aw ei ta, Ama châ vaw chhy aw.”