HLAZY 72:12 - Mara Bible RV (BSI)

¹² Ano cha phahlapa ta a aw tita, A pachhatuhpa châ ta; Baotuh hnei leipa dyhchhiepa ta a aw tita, A pachhatuhpa a châ.

HLAZY 72:12 ပူးပေါင်းရင်းမြစ်များ

2 SAMUELA 14:16

Abei ta thei aw ta, Khazohpa ryu eima to lei nawpa ta kei nata ei sawchapawpa pahleipadia miah a chhuahpa chyhsa ku tawhtapa a seichanô he a pachha aw,’ tahpa ta pachâ na ta.

ZAWBÂ 29:12

Bao awpa ta a awhpa dyhchhiepazy bao ei na ta, Baotuh hnei leipa harapazy ei deichhy tyhpa vâ ei ta.

ZAWBÂ 36:15

Pasataopazy cha ama pasataona hmâpa ta pachha ta, Ama pasataona hmâpa ta ama nah a pavâsa.

HLAZY 10:17

Hy Abeipa, pasataotuhpazy khopa thei ha chi ta, Ama palôh thapatlôpa ta, Na nah na pachôh aw.

HLAZY 102:17

Ato vâiapa thlahchhâna thei ta, Ama thlahchhâna dytha vei.

HLAZY 102:20

Atâhpazy ahrôna theipa ta, Thi awpa ta raopazy pathlie awpa ta.

HLAZY 55:17

Zâlâ ta zy, my ta zy, nohchhô ta zy, Ei nôpona bie reipa ta a rôh na ta, Abeipa ta ei ao eina thei.

HLAZY 72:4

Râhsaw dyhchhiepazy a duakhei sala, Phahlapa sawzy pachhapa ta, Tlybaituhpazy chanaoh mawh sy!

BIESOZY 29:7

Mosiapa cha dyhchhiepazy adona pahno ta, Moleipa deikua cha, Cha hawhpa pahnona kyh liata a novâh vei.

BIECHHOTUHPA 4:1

Pachâ via heih na ta, noh ry liata tlybaina zydua hmô na ta. Moh teh u, tlybaipa ta a ypazy cha mothlih chhaota y ei ta, thlah a palôh awpa hnei veih ei. Âmo a tlybaituhpazy cha hmotaotheina hnei ei ta, âmo deikua cha thlah a palôh awpa y veih ei.

ISAI 41:17

Dyhchhiepa nata phahlapazy ta ti tlua ei ta, Châhrasala ti y leipa ta, Ama paleih dâhphipa ta a hi tyh. Kei, Abeipa heta âmo cha a chhy aw na ta, Kei, Izarei Khazohpa heta siesai aw veih ei na.

LUKA 4:18

“Abeipa Thlahpa cha ei chô liata y ta, Dyhchhiepazy hnohta thâtihpha chho awpa ta sathaw eina thu. Atâhpazy hnohta puana bie chho ta, Mochaopazy mopavâsa awpa ta na tuah ta, Tlybaipazy khotalaina pie ta,

LUKA 7:22

Âmo cha a chhy ta, “Vawh u la, nama hmôpa nata theipazy he Zawhâna kei chho u la, mochaopazy ama mo pavâ ta, pheisypazy phei ta sie ei ta, phawhpazy pathaih ei ta, nahpâpazy nah pavâpa ta, athihpazy pathyupa ta y ei ta, dyhchhiepazy hnohta Thâtihpha chhopa a châ, tahpa ta kei chho teh u.

2 KAWRINI 8:9

Eima Beipa Zisu Krista ngiachhiena cha, ano dyhchhiena vâta nâmo nama hneirôh thei nawpa ta, hneirôhpa a châpa chhao ta nâmo vâta dyhchhiepa ta â taona liata nama pahno.

HEBRAI 7:25

Zisu cha chyhsazy châta thlahchhâ awpa ta chhâzaw ta a hroh thlâhpa a châpa vâta, ano siepahliepa ta Khazohpa a pangaipazy cha, khatino rai ta a pachha thei ei.

1 SAMUELA 22:2

Nôpona a hneipa, leibâh a hneipa nata palôh pasana a hneipa maihta ano liata a hmaohpakhy ei ta, ama hyutuhpa ta y ta. A hnohta chyhsa 400 tlai ama y.