HLAZY 72:10 - Mara Bible RV (BSI)

¹⁰ Tâsi nata liahpahlô beizy ta ano lâ râhpaw pie ei sala, Sebâ nata Sibâ beizy ta kuhriazy pie mawh ei sy!

HLAZY 72:10 ပူးပေါင်းရင်းမြစ်များ

ÂTHAONA 10:7

Kusi sawchapawzy cha Sibâ, Havilâ, Sâbatâ, Râmâ nata Satekâ zy ama châ. Râmâ sawchapawzy cha Sebâ nata Dedâ zy ama châ.

1 ABEIZY 10:1

Abeipa moh châta a hmotaopazy kyh liata Sawlawmaw moh pathâhnazie zy Sebâ beinô ta a thei nahta, bie khiakhi ngaitapazy ta pasia a chhuahpa ta ano lâ khy ta.

1 ABEIZY 10:10

Chatanachata Sebâ Beinô ta Bei Sawlawmaw cha ngôh talent 120 nata ia-ô hluhpi nata lôsôhpazy pie ta. Sebâ Beinô ta Sawlawmaw a piepa ia-ô tlu ta a hluhpa a ngia beih khao vei.

1 ABEIZY 10:2

Zituhpa hluhpi nata ia-ôzy nata ngôh nata lôsôhpa hluhpi a phaohpa râraoseihpazy chhaota Zerusale lâ khy ta. Sawlawmaw kô a tlô nahta, a palôh liata a ypa zydua hiahri ta.

1 ABEIZY 10:25

A pangaipa maihta kuhriazy phaopa tyh ei ta, tâkâ nata ngôh hmobaohzy, chysiazy, myrâzy, ia-ôzy, arâzy, sabaituzy kô chareih ta ama vaw phaopa tyh.

2 THÂTIHZYRONA 9:21

Abei balyhzy cha Hirâ chakaotuhpazy chhaota Tâsi la sie tyh ta. Tâsi balyhzy chata kô thôh padai ta ei kha, ngôh, tâkâ, sianaoh, veituh nata varapa zy vaw phaoh tyh ta.

ESTHERI 10:1

Bei Ahasuarâ ta râh chhôh liata nata tilaipi kiah liata pahrâpazy cha chhie pacheisa ta.

HLAZY 45:12

Tyre zuah ta kuhria chabapa ta na khokheina tlua aw ta, Chyhsa hneirôh chaipazy taihta na khokheina ama tlua aw.

HLAZY 68:29

Zerusale liata nâma Achhyna o vâta, Beizy ta kuhriazy ama cha vaw cheipa aw.

HLAZY 68:30

Lohthizy hry liata sahrâhpazy ra la, Phopizy viahchao tôhpa nata viahchaotawzy ra mah y. Râhpaw a tlaichhaipazy cha na phei ry liata tlypâ la, Adyuhna a pahâh kawpa phopizy hiepatla ha mah y.

ISAI 42:10

Nâmo, tilaipi lâ zu ei chi ta, Cha liata a ypa zydua saih u, Nâmo, tilaipi kiah râhzy nata a chyhsazy saih u, Abeipa lâ hla thiehpa sa u la, A reithaina hla alei chhâna tawhta sa teh u.

ISAI 42:4

Alei chô liata adona a chareisa hlâlei cha, A thachhâ leipa aw ta, A hnabeidy aw vei; A ryhpa bie cha, Tilaipi kiah râhzy ta ama hâ thlâh ha aw.

ISAI 43:3

Kei he Abeipa na Khazohpa châ na ta, Izarei Mo Pathaihpa ei châ; Châ pachhatuhpa châ na ta, Izi cha nâma chatlaina sôh ta ei pie; Kusi nata Sibâ chhao, Nâma vyuhpa ta ei pie.

ISAI 43:6

Maw lâ hnohta, ‘Pathlie teh,’ tah aw na ta, Chho lâ hnohta, ‘Hraih kha,’ ei tah aw. Ei sawchapawzy lâhlapi tawhta a vaw chhi la, Ei sawchanôzy alei chhâna tawhta a vaw chhi mah y.

ISAI 49:7

Mohnao ngaitapa nata Babylaw râh ta a pasi kawpa, Ryureituhpazy chakaotuhpa Izarei phopi hnohta, Abeipa, Izarei Chatlaituhpa ta hetana heta tah ta, Izarei Mo Pathaihpa ta hetana heta a tah: “Abeipa ngâchhihpa vâta, Châ tlyhtuhpa Izarei Mo Pathaihpa vâta, Beizy ta a cha hmô ti ei ta a duah aw ei ta, Beimachâzy na hmiakô liata amâ bôh aw.”

ISAI 60:3

Phopizy na khaihna lâ a vy aw ei ta, Beizy na nohchhi khaihpa lâ amâ vy aw.

ISAI 60:6

Râraoseihpa hluh ngaitapazy ta Cha pahly aw ei ta; Midia nata Epha liata râraoseihpa lochopazy ta Ama cha pahly aw; Sebâ râraoseihpa zydua vaw tlô khai aw ei ta, Ngôh nata deiryh zy vaw phaopa ta, Abeipa reithaina thâtihpha ama vaw tlôkhei aw.

ISAI 60:9

Na sawchapawzy lâhlapi tawhta a vaw chhipa ta, Ama tâkâ nata ngôh chhaota a vaw chhi awpa ta, Tilaipi kiah râhzy ta na hâ ei ta, A vaw tlô tua awpa Tâsi balyhzy ama hâ thlâh haw. Abeipa ta a cha parônahsapa vâta, He hmo he Abeipa na Khazohpa moh châta taopa châ aw ta, Izarei Mo Pathaihpa châta taopa a châ aw.

MATHAI 2:11

O chhôh lâ a ngia ei ta, hawsaih cha a nô Mâri hnohta hmô ei ta, a bôhpa ta a naoh ei ta. Ama ryubyhzy pahy ei ta, hmosaipa ngôh, deiryh nata myrâ zy pie ei ta.