HLAZY 71:5 - Mara Bible RV (BSI)

⁵ Hy Abeipa, nâ cha ei hnabeiseihna châ chi ta, Hy Abeipa, ei hawti no tawhta ei ngâchhâpa na châ.

HLAZY 71:5 ပူးပေါင်းရင်းမြစ်များ

1 ABEIZY 18:12

Ei cha puasaipa nahta, Abeipa Thlahpa ta ei pahno leina lâ châ chhi aw ta, Ahabâ cha kei chho aw na ta, a cha hmô thei tlôh vei khiahta cha, kei châ chakaotuhpa he ei thyutlia no tawhta Abeipa a chipa ei châpa chhao ta, eina thie thlâh ha aw mâh tâh.

2 THÂTIHZYRONA 34:3

Zôsia cha â beina kô chariena liata, hawtipa a châ thlâh ha chy nota, a pathlatuhpa Dâvi Khazohpa cha tlua pathao ta. Kô hrawh hleino â bei kô ta, Zudâh râh nata Zerusale khihpi liata su sâhpazy, Aseri tôhzy, khazoh nothlahpa khiepa nata leihpazy a parao khai haw.

HLAZY 119:166

Hy Abeipa, na pachhana hnabeiseih na ta, Na biepiepazy ei tao lymâ.

HLAZY 119:81

Ei thlahpa ta na pachhana vâ ta, Na bie liata ei hnabeiseihna a y.

HLAZY 13:5

Châhrasala kei la na ngâchhihna ngâ na ta, Na pachhana liata ei palôh â ly aw.

HLAZY 39:7

“Hy Abeipa, tahmâ he khâpa ma ei hâ chy tly? Ei hnabeiseihna cha nâ liata y tlôh ta.

HLAZY 42:11

Hy ei thlahpa, khazia a khu chi ta, Khazia ei chhôh liata a tymâpa ta na y? Khazohpa hnabeiseih mah y. Ano cha reithai heih aw na ta, Ei pachhana nata ei Khazohpa cha ei reithai aw.

HLAZY 71:17

Hy Khazohpa, ei hawti no tawhta na pachu chi ta, Tanoh taihta na hmotao noâhpazy ei phuah lymâ.

BIECHHOTUHPA 12:1

Na thyutliana nohzy liata, châ Taotuhpa a thei thlâh ha mah y. Chhiena nohzy a vaw tlô hlâta nata “Alyna rai hnei va na,” na tahna kôzy â vaw hnia hlâta;

ZEREMIAH 14:8

Hy Izarei hnabeiseihpa, Nôpo nota ano pachhatuhpa y, Khazia râh liana heta chihropa hawhta y aw chi ta, Zâ kha rie ta a chapiapa khichhaipa hawhta na y aw?

ZEREMIAH 17:13

Hy Abeipa, Izarei hnabeiseihpa y, Châ siesaipa zydua cha maophyuh aw ei ta, Châ tleisaipazy chhao, Abeipa, hrona tihnawh ama siesaipa vâta, Dohlei liata moh ropa hawhta ama leidia aw.

ZEREMIAH 17:17

Ei châta chichhihpa châ khah y, Nâ cha chhiena noh liata ei chhaipa mah na châ tâh.

ZEREMIAH 17:7

“Abeipa a ngâchhâ ta, Abeipa liata a pahniehpa cha, A hu â hieh aw.

ZEREMIAH 50:7

A hmôpa maihta âmo cha palâ ei ta, Ama chariahpazy ta, ‘Keimo thaileina châ vei, Âmo tlai ta siana pahrâna Abeipa chô liata molei ei ta, Âmo pathlatuhpazy hnabeiseihna Abeipa chô liata ama moleipa vâta a châ,’ ama tah.

LUKA 2:40

Hawsaih cha laiseih lymâ ta, a tha vaw tlô ta, sona ta bie ta, Khazohpa ngiachhiena ano liata y lymâ ta.

RAWMA 15:13

Thlahpa Pathaihpa hmotaotheina zawhzi ta hnabeiseihna hluhpi nama hnei thei nawpa ta, hnabeiseihna Khazohpa ta, ano nama ngâpa hawhta, alyna nata thlalôhna ta cha pabie mawh ei sy.

2 TIMAWTHY 3:15

Na hawti no tawhta na pahno chiehpa Biehrai pathaihpazy kha zyh lymâ mah y. Cha Biehrai pathaihpazy cha Krista Zisu ngiapâna vâta pachha châ thei nawpa ta, chyhsa sopa châ pachâsa theipa a châ.

1 SAMUELA 16:13

Samuela ta saki ôh sathaw cha la ta, ano cha a unawhzy hmiakô liata sathawthu ta. Cha noh tawhna chata, Abeipa Thlahpa cha Dâvi chô liata thatlô ngaitapa ta vaw tlô ta. Samuela cha thyu ta Râmâ lâ sie ha ta.