HLAZY 71:23 - Mara Bible RV (BSI)

²³ Nâma reithaina hla ei sa tita, Ei hmaozy he thaphapa ta awh aw ta; Na chatlaipa ei hro chhao heta, Thaphapa ta a awh aw.

HLAZY 71:23 ပူးပေါင်းရင်းမြစ်များ

ÂTHAONA 48:16

Hmo pha leipa zydua tawhta nâ chatlaituhpa Vâlyuhchâpa ta, Hawtizy he byhnâ pie sala, Âmo liata ei moh phaoh lymâpa châ mawh sy. Nâ pathlatuhpa Abarahâ nata Aisika zy moh chhao, Phaoh lymâpa châ sala; Alei chô liata thata vaw pôh mawh ei sy,” tah ta.

2 SAMUELA 4:9

Dâvi ta Berô chyhsa Rimô sawchapawpa Rekhâ nata a unawhpa Bânâ cha a chhy ta, ama hnohta, “Ei nôpona zydua tawhta nâ pachhatuhpa Abeipa hrona reipa ta ei reih.

HLAZY 103:4

Khaohtlô tawhta na hrona a chatlaituhpa châ ta, Kyhpachâna tleih beih leipa lakho cha pakho ta, Zawngiahna lakho châ pakhotuhpa a châ.

HLAZY 104:33

Ei hro chhôh zydua ta, Abeipa lâ hla sa aw na ta; Hrona ei hnei chhôh heta, Khazohpa reithaina hla ei sa aw.

HLAZY 34:22

Abeipa ta ano a chakaotuhpazy hrona cha chatlai tyh ta, Ano a chhaituhpazy cha ahy hmah thailei pachâsapa châ aw veih ei.

HLAZY 63:5

Sa thawhpa nata nie pahâhpa nie nota lôhrâtlôpa hawhta, Ei hro he nâma liata a lôhrâtlô aw ta, Ei pakah ta thaphana hmao ta a cha reithai aw.

BIEPHUAH 5:9

Chatawhcha âmo chata, “Nâ cha châbu chatypa a la tlâhpa châ chi ta, A chahnaonazy a pathlâ tlâhpa na châ. Thiepa ta y chi ta, Na thisaih ta, Chi to nata reih to, Phopi to nata râh to zy cha, Khazohpa châta na chatlai ha ei.