HLAZY 71:21 - Mara Bible RV (BSI)

²¹ Ei rônahna papôhsa aw chi ta, Thlah eina palôh heih aw chi.

HLAZY 71:21 ပူးပေါင်းရင်းမြစ်များ

2 SAMUELA 3:1

Sawla py nata Dâvi py likah liata adyuhna vâropi y ta. Dâvi cha a thatlô via rili ta, Sawla py deikua cha ama thachhâ via lymâ ta.

HLAZY 18:35

Na pachhana vyhphao na pie chi ta, Na ku chachâh lâta na cha-ao chi ta, Na nôphana ta eina parônahsa chi.

HLAZY 23:4

Thina nohpahli saikao sao hraw sah la, Hmophaleipa chi aw va na; Nâ ei hnohta y chi ta, Na sômasi nata chôchahrei ta thlah eina palôh tyh.

HLAZY 32:10

Hmoparaopa châta pachârôh nawpa hluhpi y ta, Abeipa a ngâtuhpa deikua cha zawngiahna ta a chadô aw.

HLAZY 72:11

Bei zydua ta a hmiakô liata a bôh ei sala, Râh zydua ta ano cha chakao mawh ei sy!

HLAZY 86:17

Hy Abeipa, na baopa ta, Thlah na palôh ha chi ta, Na khokheina ngiana na pahmô mah y; Nâ haotuhpazy ta hmô ei sala, Hmiachhiepa ta ama yna hâh ta.

ISAI 12:1

Cha noh liata hetana heta na tah aw: “Hy Abeipa, alyna bie ei cha hlâ; Ei chô liata na hie vaw hâh ha hra sala, Na hiehâhna chalihsa chi ta, Thlah eina palôh ha chi.

ISAI 49:13

Hy avâzy saih u, thaphapa ta hla sa u la, Hy leilô y, a lypa ta y mah y. Hy tlâhpizy saih u, Lyna hla paryh teh u! Abeipa ta a phopi thlah palôh ha ta, A chyhsa pasa a taopazy a ngiachhie aw ei.

ISAI 49:6

“Zakaw chizy paduapathi ta, Izarei saw pahlôhpazy a vaw chhi pakhua awpa ta, Nâ chakaotuhpa na châ awpa cha, Hmo chyhpata mah a châ tâh. Râhzy pakhaihsatuhpa ta cha tao aw na ta, Ei pachhana cha, Khizaw kaokih taihta patlôsapa a châ aw.”

ISAI 9:7

Dâvi beidyuchhai nata a khinarâh chô liata A ryureina laiseih lymâpa cha chhâna hnei leipa aw ta, Adyhna a tao awpa ta chhâna hnei aw vei. A ryureina nata adyhna cha, Adona nata siana ta paduapa ta pa-i aw ta, Tahmâ tawhta tlyzaw taihta a y thlâh ha aw. Pheisaihzy Abeipa phahnai ngiahna ta Chazy cha a tao aw.

2 KAWRINI 2:14

Krista liata pahniena ta khâ miah a chhituhpa nata keimo hmâpa ta su to liata ano pahnona ropahâhpa a patheisatuhpa Khazohpa cha reithaipa ta y mawh sy.

2 KAWRINI 7:13

Chavâta thlalôhpa ta eima y. Keimo thlalôhpa dei châ vei. Nâmo vâta Titu thlahpa cha pathiehpa ta a ypa vâta, Titu alyna liata eimâ ly pachai.

2 KAWRINI 7:6

Châhrasala palôh rietheipazy thlapalôhtuhpa Khazohpa ta Titu vaw tuah ta, thlah miah a palôh haw.

1 THYSALAWNIKA 3:9

Nâmo vâta eima Khazohpa hmiakô liata eimâ lyna zydua vâna heta, Khazohpa lâta alyna bie rei tiah lei eimâ bâh.

BIEPHUAH 11:15

Chatawhcha vâlyuhchâpa pasarina ta a chiahmie tô ta, “Khizaw khinarâh cha eima Beipa nata a Krista khinarâh a vaw châ haw. Ano ta chhâzaw nata tlyzaw ta ryu a reih aw,” tahpa ta ao paro ngaitapazy avâ liata vaw y ta.