HLAZY 71:2 - Mara Bible RV (BSI)

² Na siana vâta na pachha la, Na papua mah y; Kei lâ na nah vaw pachôh la, Na pachha mah y!

HLAZY 71:2 ပူးပေါင်းရင်းမြစ်များ

HLAZY 143:1

Hy Abeipa, ei thlahchhâna he thei la, Ngiachhie ei châ hawna lâ he na nah vaw pachôh mah y! Na ngâchhihna vâta na chyhei la, Na siana vâta na chyhei mah y!

HLAZY 143:11

Hy Abeipa, na moh vâta, Ei hrona he pabohsa la; Na siana vâta ei thlahpa he, Nôpona tawhta papua mah y!

HLAZY 17:2

Ei thaichâna nâma tawhta vaw tlô sala, Na mo ta adona hmô mawh sy!

HLAZY 17:6

Hy Khazohpa, cha aw na ta, Einâ chhy aw chi; Kei lâta na nah pachôh la, Ei biezy thei mah y.

HLAZY 31:1

Hy Abeipa, nâ châ chhai na ta, Maophyuhpa ta na paysa leipa la, Na siana vâta na pachha mah y!

HLAZY 31:2

Kei lâta na nah pachôh la, Thlai na pachha mah y! Ei chhaipa lôpanô na châpa la, Ei pachhana thokhy thatlôpa na châpa mah y!

HLAZY 34:15

Abeipa mo cha mosiapazy lâ a heih ta, Ama awna lâ a nah a pachôh tyh.

HLAZY 43:1

Hy Khazohpa, nâ duakhei la, Thai na pachâsa mah y! Khazohpa a pachâ leipazy tawhta na pachha la, Dôvei hmâhpa nata chyhsa doleipa tawhta na pachha mah y!

DÂNIAH 9:16

Hy Abeipa, ei châ haw na, siana ta na hmotaozie zydua hawhta, na hiehâhna nata na pathiiana cha Zerusale, na tlâh pathaihpa tawhna heta rie pakuasa ha mah y. Keimo moleinazy nata miah pathlatuhzy paraona vâta, Zerusale nata na chyhsazy he eima chheipâh chyhsazy ta ama rei tyh awpa eima vaw châ ha hih.

1 KAWRINI 10:13

Chyhsa chô liata a tlô tyhpa reipasaonazy dei leipa ta cha, reipasaona hropa nama chô liata tlô beih vei. Khazohpa cha ngâchhihpa châ ta, nama pahnie lei awpa reipasaona namâ tyh awpa pasaih aw vei. Reipasaona nama pahnie thei nawpa ta, reipasaona raohpa ta a râ nawpa lâpi a cha taopa aw ei.