HLAZY 70:2 - Mara Bible RV (BSI)

² Ei hrona pahlei a chhuapazy cha, Nozapa nata noraihpa ta y ei sala, Ei hmahphaona liata a lypazy cha, Nohzaopa ta kua mawh ei sy!

HLAZY 70:2 ပူးပေါင်းရင်းမြစ်များ

HLAZY 109:29

Nâ leihtuhpazy cha nohzaona ta tobipa châ ei sala, Nozana poh a bu mawh ei sy!

HLAZY 141:1

Hy Abeipa, ei cha pado hih, Kei lâ a vy patoh la; Ei cha pado tita, Ei ao lâ na nah vaw pachôh mah y!

HLAZY 22:12

Viahchao tôhpa hluhpi ta na chadô ei ta, Bâsanâ viahchao tôhpa thatlôpazy ta eina dôh ei.

HLAZY 22:20

Ei hrona he zaozi tawhta pachha la, Ei hrona sôhpa he i hmotaotheina tawhta pabohsa mah y!

HLAZY 35:26

Ei chhiena liata a lytuhpazy cha, Maophyuhpa nata hnabeidypa ta y ei sala, Nâ palai thlupazy cha, Hmiachhiena nata nohzaona ta tobipa châ mawh ei sy!

HLAZY 35:4

Ei hrona pahlei a chhuahpazy cha, Nozapa nata maophyuhpa ta y ei sala; Ei chô liata chhiena tao a chhuahpazy chhao, Kua ei sala hnabeidypa ta y mawh ei sy!

HLAZY 40:14

Ei hrona pahlei a chhuahpazy cha, Nozapa ta y ei sala, Hnabeidypa ta y mawh ei sy! Ei hmahphaona liata a lypazy cha, Nohzaopa ta kua mawh ei sy!

HLAZY 6:10

Ei chariahpa zydua nozapa ta y aw ei ta, Thata ama pachâ a rôh aw; Kua aw ei ta, Thlai ta ama maophyuh aw.

HLAZY 71:12

Hy Khazohpa, nâ hla leipa la, Hy ei Khazohpa, na bao awpa ta a para mah y!

HLAZY 71:13

Nâ leihtuhpazy maophyuhpa ta leidia ei sala, Pasasa nâ chhuahpazy cha, Mohnaona nata nohzaona ta khu mawh ei sy.

ISAI 28:13

Chavâta Abeipa bie cha âmo châta, Biepiepa chô liata biepiepa hropa baichhapa ta, Biepiepa nata biepiepa sai ta a pathopa dei châ aw ta; Bieraopa chô liata bieraopa hropa baichhapa ta, Bieraopa nata bieraopa sai ta a biepa dei châ aw ta, He liata a chyhta pachu ta, Hao liata a chyhta a pachupa rakhapa dei a châ aw. Chatanachata ama sie tita â die lâta pao aw ei ta, Hmah phaohpa ta khoheih liata a ao aw ei ta, Patupa ama châ aw.

ISAI 41:11

Pachâ teh, na chô liata a hie a hâhpa zydua cha, Nozapa nata maophyuhpa ta soh aw ei na ta, Châ dyuhpa zydua chhao, Khâpa hmah a châ leipa hawhta châ aw ei ta, Ama leidia aw.

ZAWHÂNA 18:6

Zisu ta, “Keima he ei châ,” a tahpa nahta, ama hnôh lâ a sy ei ta, alei liata pao khai ha ei ta.