HLAZY 7:9 - Mara Bible RV (BSI)

⁹ Hy Khazoh siapa, Hmoparaopazy moleina pachhâsa la, Mosiapazy padua mah y; Nâ cha pachâna nata palôhzy pasiatuhpa châ tlôh chi ta.

HLAZY 7:9 ပူးပေါင်းရင်းမြစ်များ

ÂTHAONA 20:5

Ano tlai ta, ‘Ei sietanô na a châ’ tah vei ma? Chanô chhao ta, ‘Ei rilâhpa na a châ’ tah hra vei ma? Palôh dopa nata ku pathaihpa ta he hmo he ei taopa a châ,” tah ta.

1 ABEIZY 8:32

vârâh tawhta vaw nathlie la, châ chakaotuhpazy cha pachia la, thailei a châpa cha a hmotaopa a luh chô liata patlôsapa ta viarithô la, mosiapa cha thaipachâsa la, a siana yzie hawhta lymâ pie mah y.

1 THÂTIHZYRONA 28:9

“Nâ, Sawlawmaw, ei sawchapawpa y, na paw Khazohpa he pahno la, pathipalôh tlokhuh ta nata tao khona palôh hneipa ta ano cha chakao mah y. Abeipa cha palôh zydua mohtuhpa châ ta, achhuahna nata pachâna zydua pahnotuhpa a châ. Ano cha na tlua khiahta cha, hmô awh chi ta, nâ heihsai khiah deikua cha, chhâzaw ta a cha thy aw.

HLAZY 10:15

Moleipa nata hmoparaopa bâh thlie la, A moleina cha a chhâna taihta paphuahsa mah y.

HLAZY 10:18

Paw hnei leipa nata tlybaipazy châta adona tao aw chi ta, Chatanachata lei chyhsazy ta pachhipary khao aw veih ei.

HLAZY 11:5

Abeipa ta mosiapa cha pasia ta, Moleipa nata nôchhiepa zy deikua cha a hro ta â hao.

HLAZY 139:1

Hy Abeipa, liahsa ta na moh chi ta, Eina pahno chi!

HLAZY 17:3

Ei palôh na moh chi ta, Zâ ta eina vaw tly chi; Na pasia chi ta, Khâpa hmah hmô va chi; Ei pakah ta molei lei awpa ta khâchâ ei chhuah haw.

HLAZY 18:21

Abeipa lâpizy a chhih na ta, Ei Khazohpa a heihsaipa ta moleina hmo tao beih va na.

HLAZY 26:2

Hy Abeipa, nâ chupa ta na mohpasia la, Ei pathipalôh nata ei pachâna pasia mah y.

HLAZY 35:23

Ei Khazohpa nata ei Beipa, Ei bie a duakhei ta thai na pachâsa awpa ta, A hra la, thyu mah y!

HLAZY 37:23

Chyhsa phapa phei chakâna cha Abeipa ta a chhi ta, A lâpi liata â ly kaw tyh.

HLAZY 40:2

Leidiana khaohtlô tawhta na thaoh ta, Chiatlao kiapa tawhta na thaopa ta, Ei pheizy lôpanô chô liata soh ta, Ei lâsie a pabohsa.

HLAZY 43:1

Hy Khazohpa, nâ duakhei la, Thai na pachâsa mah y! Khazohpa a pachâ leipazy tawhta na pachha la, Dôvei hmâhpa nata chyhsa doleipa tawhta na pachha mah y!

HLAZY 44:21

Khazohpa ta hmô aw vei ma? Ano cha palôh liata bieru chhao, A pahno theipa châ tlôh ta.

HLAZY 58:6

Hy Khazohpa, ama pakah liata hâhzy thlie la, Hy Abeipa, chakeibarôhneipa lochopa naohzy thlie pachhô mah y.

HLAZY 9:9

Abeipa cha tlybaipazy châta thokhy châ ta, Nôpona noh liata thokhy a châ.

HLAZY 96:10

Râhzy liata, “Abeipa ta ryu a reih! Khizaw he â ipa ta paduapa châ ta, A chalyu beih aw vei; Â khopa ta phopizy a pachia aw,” tah teh u.

HLAZY 96:13

Abeipa hmiakô liata hla sa mawh ei sy. Abeipa cha a vy ta, Khizaw pachia awpa ta â vy. Siana ta khizaw pachia aw ta, A ngâchhihna ta phopizy a pachia aw.

HLAZY 98:9

Abeipa hmiakô liata hla sa mawh ei sy. Abeipa cha khizaw pachia awpa ta â vy. Siana ta khizaw pachia aw ta, Â khopa ta phopizy a pachia aw.

ZEREMIAH 11:20

Châhrasala, Hy Pheisaihzy Abeipa, Siana ta pachia chi ta, Palôh nata pachâna a pasiatuhpa y, Ei thâtih cha nâ ei cha pavaosa hapa vâta, Ama chô liata phuh na lapa na pahmôsa mah y.

ZEREMIAH 17:10

“Kei, Abeipa he chyhsa to ama hrozie hawhta thôpa ta, Ama hmotaopa thei hawhta thô awpa ta, Palôh a mohtuhpa châ na ta, Pachâna a pasiatuhpa ei châ.”

ZEREMIAH 20:12

Hy Pheisaihzy Abeipa, Mosiapazy pasia chi ta, Palôh nata pachâna a hmôtuhpa y, Ei thâtih he nâ cha pavaosa ha tlôh na ta, Ama chô liata phuh na lapa na pahmôsa mah y.

DÂNIAH 11:45

Tlâh pathaihpa ngia ngaitapa nata tilaipi likawh liata â bei poh ozy rai aw ta, châhrasala a chhâna tlô aw ta, ano a bao awpa ahy hmah y aw veih ei.

HMOTAOPAZY 12:23

Herawda cha Khazohpa hnohta palyupalihna a pie leipa vâta, eikhapi ta Abeipa vâlyuhchâpa ta vaw tu ta, alôpa ta nie ta, thi ha ta.

RAWMA 16:25

Kô hluhpi nyupa ta a ypa bienyupa liata aluahna zipa ta, ei thâtihpha reipa nata Zisu Krista bie ei chhopa hawhta tha châ patlô theituhpa Khazohpa hnohta rônahna y mawh sy.

1 THYSALAWNIKA 3:13

Chatanachata eima Beipa Zisu cha a mopathaihpa zydua chhaota â vy tita, pathipalôh pathaihna kyh liata seina hnei leipa châ awpa ta, eima Khazohpa nata Paw hmiakô liata a cha paduasa aw ei.

1 PITY 5:10

Ngiachhiena zydua Khazohpa, a chhâzaw rônahna to awpa ta Krista liata châ awtuhpa ei chata, bohpi leipa pasa nama tao khai tawhta, cha paduapathi aw ei ta, cha pa-ipa ta tha cha patlô aw ei ta, a cha padua aw ei.

ZUDÂH 1:1

Zisu Krista chakaotuhpa nata Zâmie unawhpa Zudâh ta Paw Khazohpa liata kyhpachâpa nata Zisu Krista châta awpa nata vaipa sahlaozy ei châ naoh ei.

BIEPHUAH 2:23

A sawzy tusao aw na ta, chatanachata kei cha pachâna nata palôh mohtuhpa ei châ tahpa Awnanopa zydua ta ama pahno aw. Nama hmotaopazy lymâ hawhta ei cha pie aw ei.

1 SAMUELA 16:7

Châhrasala Abeipa ta Samuela hnohta, “A hmisâ tlyma, a pôraoh tlyma moh kha, ano kha khoh va na. Abeipa ta la chyhsapa hmôzie hawhta hmô vei. Chyhsapa ta cha khôtho lâ alânazie moh tyh ta, Abeipa deikua cha palôh tlao a moh tyh,” tah ta.

1 SAMUELA 2:9

“A chyhsa ngâchhihpazy phei vaih aw ta, Moleipazy deikua cha zohna liata chhawh pathlahpa ama châ aw; Thatlôna vâta chyhsa a duah veih ei.