HLAZY 7:8 - Mara Bible RV (BSI)

⁸ Abeipa ta phopizy pachia ta, Hy Abeipa, ei sianazie hawhta na pachia la, Hy Chônôchaipa, ei dona hawhta na pachia mah y.

HLAZY 7:8 ပူးပေါင်းရင်းမြစ်များ

ÂTHAONA 18:25

Moleipazy hnohta mosiapazy thie ta, mosiapa nata moleipazy palyu thlâh ha awpa cha, tao aw va chi. Cha hawhpa ngâsâ cha tao aw va chi. Alei chô zydua ryureituhpa ta cha, hmo dopa a tao awpa châ vei ma?” tah ta.

ÂTHAONA 31:53

Abarahâ Khazohpa nata Nâhaw Khazohpa nata âmo pathlatuh Khazohpa ta eima likah liata pachia mawh sy,” tah ta. Chatanachata Zakaw cha a paw Aisika China moh ta bie a taih ta.

2 THÂTIHZYRONA 20:12

Hy eima Khazohpa y, âmo cha pachia aw va chi ma? Miah a vaw siehnaopa pheisaih hri hluh ngaitapa he a dyuh awpa ta tloh ma pi. Tao awpa chhao pahno ma pi. Chavâta eima mozy nâ lâta eima vaw khaih hih,’” tah ta.

HLAZY 11:4

Abeipa cha a Achhyna o pathaihpa liata y ta, Abeipa beidyuchhai cha avâ liata a y; A mo ta moh ta, A mokhaoh ta chyhsa sawzy a pasia tyh.

HLAZY 25:21

Nâma châ hâpa ei châpa vâta, Adona nata ngâchhihna ta na pabohsa mawh sy.

HLAZY 26:1

Hy Abeipa, ei dona hrokhei na ta, Tleisai leipa ta Abeipa ei ngâ hapa vâta, Thai na pachâsa mah y.

HLAZY 26:11

Kei deikua cha, ei dona ta hroh aw na ta, Na chatlai la, na ngiachhie mah y.

HLAZY 41:12

Ei dona vâta nâ duakhei chi ta, Na hmiakô liata khâ eina paysa chi.

HLAZY 43:1

Hy Khazohpa, nâ duakhei la, Thai na pachâsa mah y! Khazohpa a pachâ leipazy tawhta na pachha la, Dôvei hmâhpa nata chyhsa doleipa tawhta na pachha mah y!

HLAZY 78:72

Chatanachata Dâvi cha palôh dopa ta Izarei sawzy vaih ta, Ku zôthaina ta âmo a chhihtha ei.

HLAZY 82:1

Khazohpa ta vâ pakhypi rônahpa chhihtha ta, Khazohzy hry liata ryureina siekhei ta, Hetana heta pachiana bie a phuah:

HLAZY 9:8

Siana ta khizaw chô liata ryureih ta, Adona ta phopizy a pachia ei.

HLAZY 96:13

Abeipa hmiakô liata hla sa mawh ei sy. Abeipa cha a vy ta, Khizaw pachia awpa ta â vy. Siana ta khizaw pachia aw ta, A ngâchhihna ta phopizy a pachia aw.

HLAZY 98:9

Abeipa hmiakô liata hla sa mawh ei sy. Abeipa cha khizaw pachia awpa ta â vy. Siana ta khizaw pachia aw ta, Â khopa ta phopizy a pachia aw.

BIESOZY 19:1

Chyhsa hrupa hmao haihthaipa châpa hlâta cha, Sipasapa ngâchhihpa châpa a pha via.

HMOTAOPAZY 17:31

Ano ta â tlyhpa hmâpa ta, siana ta khizaw a pachia nawpa noh a rao haw. Â tlyhpa chyhsa cha athihpa hry tawhta a pathyuna liata, pachiana a y tlai awpa a châzie chyhsa zydua hnohta a pa-i haw,” tah ta.

2 KAWRINI 1:12

He he eimâ palaikhei: Khizaw sona ta châ leipa ta, Khazohpa ngiachhiena vâta, he khizaw liata nata nâmo liata pathaihna nata Khazohpa liata adona ta eima hro tyhpa kha, eima chhie na pha pahnona ta miah a pahnokhei.

1 THYSALAWNIKA 2:10

Nâmo cha ngiapâtuhpazy chô liata pathaihpa nata siapa nata seina hnei leipa ta eima y tyhzie miah pahnokheituhpazy nama châ. Khazohpa chhao ta miah a pahnokhei.