HLAZY 7:12 - Mara Bible RV (BSI)

¹² Chyhsa ta a moleina a ro vei khiahta cha, Khazohpa ta a zaozi chata aw ta, A libaw a keipa ta â pachyh thlâh ha aw.

HLAZY 7:12 ပူးပေါင်းရင်းမြစ်များ

ÂTHAONA 18:25

Moleipazy hnohta mosiapazy thie ta, mosiapa nata moleipazy palyu thlâh ha awpa cha, tao aw va chi. Cha hawhpa ngâsâ cha tao aw va chi. Alei chô zydua ryureituhpa ta cha, hmo dopa a tao awpa châ vei ma?” tah ta.

HLAZY 129:4

Abeipa cha asiapa châ ta, Hmoparaopazy chaori a â pachhôtuhpa a châ.

HLAZY 85:4

Hy eima pachhana Khazohpa, Miah paduapathi heih la, Eima chô liata na ruchhôna papai mah y!

HLAZY 9:5

Phopizy ra chi ta, Hmoparaopazy pahleipadiapa ta, Ama moh chhâzaw nata tlyzaw ta na phie ha ei.

ISAI 27:1

Cha noh liata, Abeipa ta a zaozi laipa, tiahpa nata thatlôpa hmâpa ta, Leviathâ parihpi a chakhao ngâpa cha a hrie aw. Leviathâ parihpi a pakipa cha hrie aw ta, tilaipi liata parihpi a ypa cha a thie aw.

ISAI 34:5

Dâhphi paina taihta, Ei zaozi ta avâ liata doh ha ta; Moh teh u, Edômâ pachia awpa ta za chô ta, Pahleipadia awpa ta ei raopa phopi chô liata a za chô.

EZEKIA 18:30

“Chavâta Hy Izarei pathlazy saih u, chyhsa to nama hrozie chyu hawhta ei cha pachia aw ei,” Abeipa Zehôvâh ta a tah. “Ro u la, nama paraona zydua a heihsai ha muh vy. Chataleipatala paraona cha nama raona a châ pathlei aw na.

EZEKIA 21:23

Châhrasala âmo châta pachaona doleipa hawhta a châ aw. Bie a taih ei ta, châhrasala patupa ama châ thei nawpa ta, ama thaileichâna apahnona a taopa deita a châ.

EZEKIA 33:11

Ama hnohta hetana heta reih teh: ‘Ei hrona reipa ta ei reih. Moleipa thina liata alyna rai hnei leipa na ta, moleipa ta a hrozie siesaipa ta a hroh awpa cha ei lyna tlao a châ. Nama hrozie pha leipa tawhta kua u la, kua ha teh u. Hy Izarei pathlazy saih u, khazia nama thi aw tly?’ Abeipa Zehôvâh ta a tah.

MATHAI 3:10

Tahmâ chhao tlai he, tho tharizy liata ahrei sopa a châ haw. Tho to thei pha a pathei leipa maih thlu ta mei liata thypa a châ aw.

HMOTAOPAZY 3:19

Chavâta ro u la, ano lâ kua teh u, nama moleinazy pahleipa a châ aw.

RYHPACHANEINA 32:41

Ei zaozi patliepa ta sah la, Ryureina ei chaba tita cha, Ei khakhaipazy chô liata phuh la aw na ta, Nâ haotuhpazy viari ei thô aw ei.