HLAZY 69:8 - Mara Bible RV (BSI)

⁸ Ei unawhzy liata khichhaipa hawhta châ na ta, Ei nô sawzy liata chihropa hawhta ei châ haw.

HLAZY 69:8 ပူးပေါင်းရင်းမြစ်များ

HLAZY 31:11

Ei khakhaipazy vâta mohnaopa vaw châ ha na ta, Ei vaihzy liata mohnaopa ta y pachaipa ta, Ei hmia pahnopazy châta chhao chichhihpa châ bâ na ta, Khiliah liata nâ hmôpazy ta einâ râsai ei.

HLAZY 38:11

Ei hri ohpa vâta, Ei viasa lôhkhyzy ta nâ hla ei ta, Ei heinawhzy taihta eina chahrih ei.

HLAZY 89:51

Hy Abeipa, na chariahpazy ta miah ama pasipasawhna biezy a thei la, Na sathawthupa pheihnie ama reipachhienazy he a thei mah y.

HLAZY 89:52

Abeipa cha tlyzaw ta reithaipa ta y mawh sy! Amen, Amen.

ISAI 50:6

Ei ky he nâ tutuhpazy châta dao na ta, Ei baih he ei baihhmi nâ phiatuhpazy châta ei dao tyh. Ei hmia he nohzaona tawhta nyu leipa na ta, Pachih pachhaona tawhta nyu hra va na.

ISAI 53:3

Ano cha chyhsazy ta mohnaopa ta dytha ei ta, Pachârôhnazy a hneipa chyhsa châ ta, Pachâchhienazy a pahnopa a châ. Chyhsazy ta ama hmia ama nyusaipa chyhsa hawhta, Mohnaopa ta y ta; Keimo chhao ta, Ano cha pasâhsa hlei hra ma pi.

ISAI 53:4

Chatanachôta eima pachâchhienazy phaoh ta, Eima pachârôhnazy a phaohtuhpa a châ. Keimo deikua ta cha, Khazohpa ta a hriepa hawhta pachâ pi ta; Khazohpa ta tu ta, Pasa a pataosapa hawhta eima pachâ.

ZEREMIAH 15:15

Hy Abeipa y, na pahno mâh tâh; Rie nâ theipa ta na vaw tly la, Nâ taolatuhpazy chô liata phuh na lapa mah y. Na daotheina vâta na pahlei leipa la, Nâma vâta reipachhiena a taopa ei châpa pahno mah y.

MATHAI 26:56

Châhrasala hrohsopazy ropa Biehrai â ki thei nawpa ta, he hmo zydua he a vaw tlôpa a châ,” tah ta. Cha khai tawhta, pachupa zydua ta ano cha siesaipa ta a râ khai ha ei ta.

ZAWHÂNA 1:11

Ano chyhsazy lâ a zu ta, châhrasala a chyhsazy ta a ly veih ei.

ZAWHÂNA 7:5

A unawhzy chhao ta Zisu cha a ngiapâ leipa ei ta.

1 SAMUELA 17:28

Pheisaihzy hnohta Dâvi biereipa cha, a uhta uhthei chaipa Eliabâ ta vaw thei ta. Eliabâ cha Dâvi chô liata a hie thata hâh ta, a hnohta, “Khazia nâ zu hra? Râhchawhpa liata mietaku a chyhta a ypazy kha ahy na pavaisa? Akhotlâh kawpa nata palôh moleipa a phaohpa na châ tahpa ei pahno. Adyuhna mo awpa ta a zupa na châ hih,” tah ta.