HLAZY 69:12 - Mara Bible RV (BSI)

¹² Thokhy chhikao liata a tyuhpazy ta ei kyh reih ei ta, Sahma paripazy ta hla eina phi ei.

HLAZY 69:12 ပူးပေါင်းရင်းမြစ်များ

ÂTHAONA 19:1

Vâlyuhchâpa pano cha zâlâ ta Sawdawmâ khih tlô ei ta. Lawta cha Sawdawmâ khih thokhy chhikao liata a vaw tyuh thlâh ha ta. Lawta ta âmo cha a vaw hmô nahta, dy awpa ta a duah ta, a hmia alei lâ a khupa ta a bôh ta.

HLAZY 35:13

Âmo ama pasa tita deikua cha, Latho poh a bu na ta; Kâhvileipa ta pasataopa ta, Ei luh a khupa ta thlah ei chhâ tyh.

ZEREMIAH 20:7

Hy Abeipa, na dôvei chi ta, Dôveipa ta ei y ha hih. Nâ cha kei hlâta thatlô viapa châ chi ta, Eina pahnie ha chi. Noh y ta pahnei parâsaopa ta y na ta, Chyhsa to ta eina pasipasawh ei.

DÂNIAH 5:23

Avâ Beipa cha tlao a palai thlu chi ta, a o liata nyuzy cha na hmiakô liata vaw cheih ei ta, nâma nata na beimachâzy, na lapinôzy nata na nôthozy ta kresawhti dona ta hmâh ei chi ta, a hmô thei leipa, a thei thei leipa nata pahnona a hnei leipa tâkâ khazohzy, ngôh khazohzy, dawh khazohzy, thua khazohzy, tho khazohzy nata alô khazohzy cha tlao reithai chi ta, na husona a ku liata a ypa nata na lâpi zydua a vaotuhpa Khazohpa hmâchhâh palyupalih va chi.

MATHAI 27:20

Theihthai beizy nata machâzy ta Bârabâ papua awpa ta hiah ei ta, Zisu cha pahleipadia awpa ta zawpi pasyu ei ta.

LUKA 23:2

“He chyhsa heta eima phopi pasiesa chheipa ta, Kaisarâ lâ chhie pie awpa miah pakhâ ta, anosasyh ta Mesia â tahpa nata abeipa â tahpa eima thei,” tahpa ta leih ei ta.

RYHPACHANEINA 16:18

“Abeipa nama Khazohpa ta a cha piepa ei khih to liata, chi to châta ryureituhpa nata hyutuhpazy rao aw ei chi ta, âmo chata ryureina siapa ta zawpizy ryu ama reipa tyh aw.