HLAZY 68:4 - Mara Bible RV (BSI)

⁴ Khazohpa lâ hla sa u la, A moh reithai­pa ta sa teh u; Meihdo chô liata a kiahpa châta hla sa u la, A moh cha Abeipa châ ta, A hmiakô liata a lypa ta y teh u!

HLAZY 68:4 ပူးပေါင်းရင်းမြစ်များ

HLAZY 104:3

Tizy chô liata na chhôhpadâhpa khâpiazy pakhâh chi ta, Meihdozy khi na talailih ta taopa ta, Thlih mathlawzy chô liata na kiah tyh.

HLAZY 16:11

Hrona lâpi na pahmôsa chi ta, Na yna liata lyna kipa y ta, Na ku chachâh lâta tlyzaw thaphana a y.

HLAZY 18:10

Cherubi chô liata kiapa ta a zaw ta, Thlih mathlawzy kiahpa ta a vaw tlô.

HLAZY 5:12

Hy Abeipa, nâ cha mosiapazy byhnâ a pietuhpa châ chi ta, Na khokheina ta vyhphao hawhta âmo na dôhkhâh tyh.

HLAZY 66:2

A moh rônahna hla sapa ta, Reithaina rônahpa hlâ teh u.

HLAZY 66:4

Khizaw zydua nâ lâ a bôhpa ta, Nâ reithaina hla sa ei ta, Na moh reithaipa ta ama sa,” tah muh vy. Selah

HLAZY 67:4

Râhzy ama thapha sala, Alyna hla sa mawh ei sy; Nâ cha phopizy â khongâhpa ta pachia chi ta, Khizaw râhzy a chhihthatuhpa na châ. Selah

HLAZY 68:33

Avâzy chô a kiahpa lâta, Avâ hlôpazy chô a kiahpa lâ tlai ta, Reithaina hla sa muh vy. Moh teh u, a ao papua ha ta, A ao rônahpa a papua haw.

HLAZY 83:18

Nâ deita he Zehôvâh moh a phaohpa châ chi ta, Khizaw zydua liata Chônôchaipa na châ tahpa ama pahno aw.

HLAZY 97:11

Mosiapa châta khaihna piepa châ ta, Palôh dopa châta alyna piepa a châ.

PUASAINA 3:14

Khazohpa ta Mawsi hnohta, “Kei he Zehôvâh ei châ. Izarei sawzy hnohta, ‘Zehôvâh ta nâmo lâ eina vaw tuah,’ na tah aw,” tah ta.

PUASAINA 6:3

Abarahâ, Aisika nata Zakaw zy hnohta Khazohpa Atotaotheipa ta a vaw luah na ta, ei moh Zehôvâh ta deikua cha ama hnohta a pahnosa va na.

PUASAINA 6:8

Abarahâ, Aisika nata Zakaw zy hnohta pie awpa ta ei ku chaluahpa ta bie ei taihpa râh lâ châ chhi aw ei na ta, cha râh cha nama ryuto châta ei cha pie aw ei, kei he Zehôvâh ei châ,’ tahpa ta chho mah y,” tah ta.

BIESOZY 10:28

Mosiapa hnabeiseihna ta alyna tlôkhei ta, Moleipa saduthliena deikua cha a leidia aw.

ISAI 19:1

He he Izi kyh chhochhieliena bie a châ: Moh tua u, Abeipa cha meihdo chatliepa kiah ta, Izi râh lâ â vy hai. Izi râh khazoh nothlahpazy a hmiakô liata a chalyu awh ei ta, Izi mo palôh cha ama chhôh liata a zao khai aw.

ISAI 40:3

Ao vaw paro ta, hetana heta a tah: “Râhchawhpa liata Abeipa lâpi a chhuahdy u la, Râh raohpa liata eima Khazohpa châta Lâlai patlâpa tao teh u.

ISAI 62:10

Pua teh u, Thokhy chhikaozy tawhta pua u la, Izarei phopi châta lâpi a chhuahdy teh u. Lâlai pasâh u la, pasâh teh u; Lâlai liata alôzy thy u la, Phopizy châta ngiana poh chaluah teh u.

RYHPACHANEINA 33:26

“Hy Zesuruh, Khazohpa hawhpa he ahy hmah y veih ei; Ano cha cha bao awpa ta avâzy chô liata kiah ta, A rônahpa ta avâpi chô a kiahpa a châ.