HLAZY 68:33 - Mara Bible RV (BSI)

³³ Avâzy chô a kiahpa lâta, Avâ hlôpazy chô a kiahpa lâ tlai ta, Reithaina hla sa muh vy. Moh teh u, a ao papua ha ta, A ao rônahpa a papua haw.

HLAZY 68:33 ပူးပေါင်းရင်းမြစ်များ

1 ABEIZY 8:27

“Châhrasala Khazohpa cha alei chô liata a pahrâ tlai aw ma? Pachâ tua, avâ nata avâ a sâh chaipa liata hmah nâ tlôh leipa châ ta, he o ei sapa liata chhochhi cha nâ tlôh lei pachai aw dia!

HLAZY 102:25

Leilô abôna he hlâno ta na vaw bô hapa châ ta, Avâzy khi na kuzô a châ.

HLAZY 104:3

Tizy chô liata na chhôhpadâhpa khâpiazy pakhâh chi ta, Meihdozy khi na talailih ta taopa ta, Thlih mathlawzy chô liata na kiah tyh.

HLAZY 18:10

Cherubi chô liata kiapa ta a zaw ta, Thlih mathlawzy kiahpa ta a vaw tlô.

HLAZY 46:6

Phopizy a tyhreihpa ta, Khinarâhzy pao ei ta; A ao papua ta, Leilô he a zao khai haw.

HLAZY 66:1

Leilô zydua saih u, Khazohpa lâ thaphapa ta awh u la,

HLAZY 66:2

A moh rônahna hla sapa ta, Reithaina rônahpa hlâ teh u.

HLAZY 68:4

Khazohpa lâ hla sa u la, A moh reithai­pa ta sa teh u; Meihdo chô liata a kiahpa châta hla sa u la, A moh cha Abeipa châ ta, A hmiakô liata a lypa ta y teh u!

HLAZY 93:2

Na beidyuchhai cha hlâno tawhta pa-ipa châ ta, Nâ cha tlyzaw tawhtapa na châ.

EZEKIA 10:5

Cherubizy mathlaw pyu cha, khôtho lâta dôhpachhôh tlyhmia tawh chhao ta thei theipa a châ. Khazohpa Atotaotheipa ta bie a rei nota a ao nata â lyu.

RYHPACHANEINA 10:14

Moh tua u, avâ nata avâ a sâh chaipa nata leilô nata a chhôh liata a ypa zydua he Abeipa nama Khazohpa eih sai a châ.

RYHPACHANEINA 33:26

“Hy Zesuruh, Khazohpa hawhpa he ahy hmah y veih ei; Ano cha cha bao awpa ta avâzy chô liata kiah ta, A rônahpa ta avâpi chô a kiahpa a châ.

BIEPHUAH 11:12

Chatawhcha ama hnohta, “He lâ a khy teh u,” tahpa ta avâ tawhta ao paro ngaitapa thei ei ta. Meihdo hry liata avâ lâ khy ei ta, ama khakhaipazy ta moh thlâh ha ei ta.

BIEPHUAH 11:15

Chatawhcha vâlyuhchâpa pasarina ta a chiahmie tô ta, “Khizaw khinarâh cha eima Beipa nata a Krista khinarâh a vaw châ haw. Ano ta chhâzaw nata tlyzaw ta ryu a reih aw,” tahpa ta ao paro ngaitapazy avâ liata vaw y ta.

BIEPHUAH 11:19

Chatawhcha avâ liata Khazohpa Achhyna o cha pahypa châ ta, Achhyna o chhôh liata a biehrai byh a vaw lâ ta. Dôhlazy vaw pathlie ta, aozy vaw pua ta, tôkalôhpazy a vaw thua ta, alo a sih ta, pareih thata a tla.