HLAZY 68:30 - Mara Bible RV (BSI)

³⁰ Lohthizy hry liata sahrâhpazy ra la, Phopizy viahchao tôhpa nata viahchaotawzy ra mah y. Râhpaw a tlaichhaipazy cha na phei ry liata tlypâ la, Adyuhna a pahâh kawpa phopizy hiepatla ha mah y.

HLAZY 68:30 ပူးပေါင်းရင်းမြစ်များ

2 THÂTIHZYRONA 9:14

Cha hry liana chata sôhdaohpa nata sôhpaliepazy ta râhpaw ama piepa a hlao vei. Arabia bei zydua nata Izarei râh pachhaihpa ryureituhpazy chhao ta Sawlawmaw hnohta ngôh nata tâkâ zy ama pie lymâ.

2 THÂTIHZYRONA 9:24

Ano a tlypa bei maihta kuhriazy phaopa tyh ei ta, tâkâ nata ngôh hmobaohzy, chysiazy, myrâzy, ia-ôzy, arâzy, sabaituzy kô chareih ta ama vaw phaopa tyh.

ZAWBÂ 40:21

Tipo pawpi kô ry liata a zia ta, Tichhoh lohthi kô nohdizy liata â zia tyh.

HLAZY 120:7

Kei cha adyhna a khohpa châ na ta, Châhrasala bie ei rei nahta, A dyuh awpa ama khoh ha tyh.

HLAZY 18:44

Ei bie ama theipa nahta ei rei a ngiah ei ta, Chihropazy ta ei ry amâ vaw daoh.

HLAZY 2:12

Sawchapawpa cha pahnâ teh u, Chataleipatala a hiehâh aw ta, Lâpi liata nama leidia pathlei aw na, A pathi thlai ia tyh tlôh ta. Abeipa a chhaipa zydua cha ama nohlao na.

HLAZY 72:10

Tâsi nata liahpahlô beizy ta ano lâ râhpaw pie ei sala, Sebâ nata Sibâ beizy ta kuhriazy pie mawh ei sy!

HLAZY 89:10

Rahâbi cha chyhsa thiepa hawhta taichheih chi ta, Na chariahpazy na bâh thatlôna ta na papai ha ei.

ISAI 34:7

Chaoliah tôhpazy Môabâ mo hnohta pao aw ei ta, Viahchaotaw chapawpazy chhao, Viahchao tôhpa thatlôpazy chhaota ama pao aw. Ama râh cha thisaih liata pachiepa châ aw ta, Ama dohlei cha thaw ta a khu aw.

ZEREMIAH 50:11

“Hy ei ryuto a hraotuhpazy saih u, Thaphapa nata thapawh kawpa ta ypa ta, Si panyupa su liata viahchao zeinô hawhta a chapiepa ta, Arâ tôhpa hawhta sâh hra u la,

EZEKIA 29:3

‘Abeipa Zehôvâh ta hetana heta a tah,’ tah teh: “Nâ, Izi bei Phiraoh, Chavahzy liah liata tisadâh rarôh ypa, ‘Nile chavah he kei eih châ ta, Keima châ tlai ta ei taopa a châ,’ a tahtuhpa y, Moh teh, ei châ dyuh hih.

ZEKARIA 8:22

Chatanachata Pheisaihzy Abeipa pado ta, a khokheina hia awpa ta, phopi hluhpi nata râh thatlôpa hluhpizy cha Zerusale lâ amâ vy aw.

RAWMA 7:22

Ei palôh ta Khazohpa ryhpa liata a ly na ta,

ZÂMIE 4:1

Nama hry liata adyuhna nata ahryunazy he khâpa tawhta a pua tyhpa ma a châ? Nama aohraohnazy vâta nama pôhpa pachiahpazy liata adyuhna a tao tyhpa châ vei ma?