HLAZY 68:18 - Mara Bible RV (BSI)

¹⁸ Hy Zehôvâh Khazohpa, Chô lâ na kia nota, Patupazy cha sei ta a chhi chi ta; Cha liata na pahrâ thei nawpa ta, Chyhsazy tawhta hmopiepazy daopa ta, Dyuhtuhpazy tawhta chhao na daopa kha.

HLAZY 68:18 ပူးပေါင်းရင်းမြစ်များ

2 THÂTIHZYRONA 6:18

“Châhrasala Khazohpa cha alei chô liata chyhsapa hry liata a pahrâ tlai aw ma? Pachâ tua, avâ nata avâ a sâh chaipa liata hmah nâ tlôh leipa châ ta, he o ei sapa liata chhochhi cha, nâ tlôh lei pachai aw dia!

HLAZY 110:1

Abeipa ta ei Beipa hnohta, “Na chariahpazy ei phei tlyna ta ei tao hlâlei cha, Ei chachâh lâta a tyuh mah y,” tah ta.

HLAZY 24:3

Ahy ma Abeipa tlâh cha kiah aw ta, A su pathaihpa liata a duah aw?

HLAZY 47:5

Khazohpa cha rahaona chhaota chô lâ kiah ta, Abeipa cha chiahmie pyu chhaota a kiah haw.

HLAZY 7:7

Phopi a hmaohpakhypazy ta cha chadô ei sala, Chô lâ tawhta ama chô liata ryureih mah y.

HLAZY 78:60

Silô liata a byureih siesai ta, Chyhsapa hry liata a pahrâna poh o a siesai haw.

ISAI 55:7

Moleipa ta a hrozie siesai sala, Sialeipa ta a pachânazy pathleih sala, Abeipa lâ kua heih mawh sy, Abeipa ta a vaw ngiachhie aw; Eima Khazohpa lâ kua heih mawh sy, Khazohpa ta tlokhuh â ngiahthai aw.

ISAI 57:15

Moh chônôpa nata cheihchalopa ta hetana heta tah ta, Tlyzaw ta a ypa, a moh Pathaihpa bipa ta hetana heta a tah: “Areisipazy thlahpa pahra ta, Angiapachhipazy palôh pahra awpa ta, Kei he su sâhpa nata su pathaihpa liata pahrâ na ta, Angiapachhipa nata areisipazy hnohta ei pahrâ.

EZEKIA 48:35

“Khihpi padôpa ta a seihna zie cha dy 18,000 châ aw ta, cha noh tawhta cha, khihpi moh chhao, Zehôvâh Sâmâ tahpa a châ bâ aw.”

ZÔELA 2:11

Abeipa cha a pheisaihzy hmiakô liata ao papua ta, A riehmo a lai ngaita; Ano cha hmotaotheipa châ ta, A bie a patlôpa a châ. Abeipa noh cha rônah ta, A rarôh y ngaita; Cha noh cha ahy ma a tao thei aw?

MATHAI 9:13

Vawh u la, ‘Atheihna khoh leipa na ta, zawngiahna ei khoh,’ tahpa bie yzie cha a kei chu teh u. Chyhsa siapazy pado awpa ta a zupa châ leipa na ta, moleipazy pado awpa ta a zupa tlao ei châ,” tah ta.

MÂKA 16:9

Hâta noh hmiatuapa mydi ta a thyuheih nota, a chhôh tawhta ahripa pasari a papuapa Mâri Mâdali hnohta a luah tua chai ta.

LUKA 24:47

ano moh ta rona nata molei ngiahthaina thâtih cha, Zerusale tawhta pathaopa ta, phopi to hnohta chhopa a châ aw.’

LUKA 24:49

Pachâ teh u, ei Paw bietaipa cha nama chô liata vaw tuah aw na ta, chô lâ tawhta hmotaotheina ta tobipa nama châ hlâta deikua cha, khihpi liana heta y thlâh ha muh vy,” tah ta.

LUKA 24:51

Byhnâ a awpa khai nah ei ta, a pachupazy cha a chhaih ta, vârâh lâ a chhipa ta y ha ta.

ZAWHÂNA 14:23

Zisu ta a chhy ta, “Chyhsa ta kyh eina pachâ khiahta cha, ei bie zyh aw ta, ei Paw ta ano cha kyhpachâ aw ta, ano lâ a vy aw pi ta, a hnohta eima pahrâ aw.

ZAWHÂNA 16:7

Chatahrasala, biehmeiseihpa ei cha chho ei. Ei sie awpa cha nama châta a pha. Ei sie vei khiahta cha, Thlapalôhtuhpa nâmo lâ a vy aw vei. Ei sie khiahta deikua cha, Thlapalôhtuhpa cha nâmo lâ ei vaw tuah aw.

HMOTAOPAZY 2:23

Kha Zisu kha Khazohpa pachhuahpanohpa nata pahno chhieliepa hawhta, nâmo ta patusa ei chi ta, moleipazy ku ta khaipâ ei chi ta, nama thie hapa a châ.

HMOTAOPAZY 2:4

Ama zydua ta Thlahpa Pathaihpa ta bie khai ha ei ta, Thlahpa ta a pareisapa lymâ hawhta reih hropa ta bie reih chyu ei ta.

HMOTAOPAZY 9:17

Anania cha pua ta, Sawla yna o liata a kei ngia ta. A chô liata a ku pahnieh ta, “Unawh Sawla, na mo pavâ nawpa nata Thlahpa Pathaihpa biepa ta na y thei nawpa ta, na vaw siena lâpi liata na hnohta a vaw luahpa Abeipa Zisu khata eina vaw tuah,” tah ta.

RAWMA 5:8

Châhrasala Khazohpa ta a kyhpachâna cha keimo châta vaw paluahsa ta, moleipazy eima châ nota, Krista cha eima châta thi ha ta.

2 KAWRINI 6:16

Khazohpa Achhyna o nata nothlahpazy ta khâpa aryhna ama hnei? Keimo he Khazohpa hrohpa Achhyna o cha eima châ, Khazohpa ta, “Ama hry liata pahrâ aw na ta, Ama hnohta ei charei aw; Ama Khazohpa châ aw na ta, Ei phopi ama châ aw,” a tahpa hawhna khata.

RYHPACHANEINA 33:2

Hetana heta byhnâ a awpa ei: “Sinai tawhta Abeipa a vy ta, Seirâ tawhta noh hawhta vaw chhipa ta, Pârâ Tlâh tawhta a vaw khaih; Mopathaihpa thysâh hry tawhta a vy ta, A ku chachâh lâta mei paleih â chaba.

KAOLAOSÂ 2:3

Sona nata pahnona hneirôna zydua Krista liata nyupa a châ.

KAOLAOSÂ 2:9

Khazohpa châna zydua cha, â kipa nata a pôhpa tlai ta Krista liata a pahrâ.

HEBRAI 1:3

Ano cha Khazohpa rônahna khaihpaliepa nata Khazohpa chhichâna a hneipa châ ta, a bie hmotaotheina bie ta ato a pabohsa. Moleinazy a pathaisa khai tawhta, chô lâ Beichaipa chachâh lâta a tyuh ha ta.

HEBRAI 4:14

Chatanachata avâzy a siepahliepa theihthai beichaipa rônahpa, Khazohpa Sawchapawpa Zisu eima hneipa vâta, eimâ ngiapâna palâhâhna cha khâchâ patu ei suh u.

HEBRAI 6:20

Chatanachata Zisu cha eima vyuhpa ta hmia a sah ta, cha liata a ngia ta, Melkizade theihthaipa châna lâpi a chhihpa ta, chhâzaw theihthai beichaipa ta a y haw.

HEBRAI 8:1

Rei eimâ chhuahpa cha he he a châ: Cha hawhpa theihthai beichaipa cha hnei pi ta, ano cha vârâh liata Beichaipa beidyuchhai chachâh lâta a tyuhpa châ ta,

1 PITY 3:22

Zisu Krista cha vârâh lâ kiah ta, Khazohpa chachâh lâta y ta, vâlyuhchâpazy, biehneinazy nata hmotaotheinazy cha ano rei sai ta y awpa ta taopa ama châ.

BIEPHUAH 1:20

Ei ku chachâh lâta awhsi miasari na hmôpazy nata ngôh meiôh patyuna miasari na hmôpazy kyh liata bienyupa cha he he a châ: Awhsi miasarizy cha awnanopa hlao sarizy châta vâlyuhchâpazy châ ei ta, meiôh patyuna miasarizy cha awnanopa hlao sarizy ama châ,” tah ta.

BIEPHUAH 21:3

Beidyuchhai tawhta ao paro ngaitapa ta, “Moh teh u, Khazohpa pahrâna cha chyhsa hry liata a vaw y haw. Ama hnohta pahrâ aw ta, a chyhsazy ama châ aw. Khazohpa tlai cha ama hnohta y aw ta, ama Khazohpa a châ aw.

RYUREITUHPAZY 5:12

“Hy Debawrâ, a hra la, a hra teh! A hra la, a hra la, hla sa teh! Hy Bâraka, Abinôâ sawchapawpa, Thyu la, na patupazy sei ta a chhi teh!