HLAZY 68:1 - Mara Bible RV (BSI)

¹ Khazohpa cha thyu aw ta, A chariahpazy papaipa ta y aw ei ta, Ano ahaotuhpazy a hmiakô liata amâ râpai aw.

HLAZY 68:1 ပူးပေါင်းရင်းမြစ်များ

2 THÂTIHZYRONA 6:41

“Hy Zehôvâh Khazohpa y, Tahmâ thyu la, Na thatlôna Byh chhaota, Nâ pahâna su lâ sie mah y. Hy Zehôvâh Khazohpa y, Na theihthaipazy pachhana ta tobi la, Na mopathaihpazy na phana liata y mawh ei sy.

HLAZY 21:8

Na ku ta na chariahpa zydua hmô aw ta, Na ku chachâh lâta na khakhaipazy a patu aw.

HLAZY 44:26

Thyu la, miah bao awpa ta a vy mah y! Na kyhpachâna tleih beih leipa vâta miah chatlai mah y!

HLAZY 59:11

Âmo cha thie hlei khah y, Chataleipatala ei phopi ta a my pathlei aw na; Hy Abeipa, eima vyhphao, Na hmotaotheina ta âmo cha paviavisa la, Panawh hri mah y!

HLAZY 68:14

Atotaotheipa ta cha liata beizy a papai nona kha la, Zalmaw tlâh liata dâhaw a tlapa na a lyu.

HLAZY 68:30

Lohthizy hry liata sahrâhpazy ra la, Phopizy viahchao tôhpa nata viahchaotawzy ra mah y. Râhpaw a tlaichhaipazy cha na phei ry liata tlypâ la, Adyuhna a pahâh kawpa phopizy hiepatla ha mah y.

HLAZY 89:10

Rahâbi cha chyhsa thiepa hawhta taichheih chi ta, Na chariahpazy na bâh thatlôna ta na papai ha ei.

PUASAINA 20:5

Chazy cha nâ chhy awpa châ leipa ta, na chakao awpa châ hra vei. Kei Abeipa na Khazohpa he, Khazoh hiatlia pasapa châ na ta, pawzy paraona vâta sawzy a hrie tyhpa ei châ. Nâ haotuhpazy cha chhâ thôhna nata chhâ palihna taihta a hrie tyhpa châ na ta,

ISAI 33:3

Tyhreihna pyu vâta phopizy a râ ei ta, Hy Abeipa, na thyu tita râhzy ama pai lymâ.

EZEKIA 5:2

Su kha cha khihpi dôhna nohzy a chhâ tita, khihpi liah liata mei ta na rao aw. Su kha hropa cha, la aw chi ta, khihpi chheipâh zydua liata zaozi ta na chhawh aw. Su kha hropa heih cha, ziza liata hiepatla aw chi ta, ei zaozi phia aw na ta, ei chadaisa aw ei.

DÂNIAH 2:35

Thua zy, beihlei zy, dawh zy, tâkâ zy, ngôh zy cha a tlawh ta zao khai ha ei ta, nopi noh sawhri sâh sihpa hawhta vaw châ ei ta, thlih ta âmo cha phaoh ta, ama hniehnôh chhao hmô awpa y khao vei. Cha nona chata nothlahpa a vituhpa alô cha tlâh lai ngaitapa lâta a vaw lie ta, alei chô zydua a bie haw.

MALUHREINA 10:35

Byh a puana maihta Mawsi ta, “Hy Abeipa, vaw thyu mah y; Na chariahpazy papaipa ta y ei sala, Châ haotuhpazy na hmiakô tawhta a râpai mawh ei sy,” tah ta.

RYHPACHANEINA 7:10

Ano a haotuhpazy deikua cha, hmiadaisâ ta viari thô ta, a pahleipadia tyh ei. Ano a haotuhpazy viari thô awpa ta hawh aw vei. Hmiadaisâ ta viari a thô aw ei.