HLAZY 66:8 - Mara Bible RV (BSI)

⁸ Hy phopizy saih u, eima Khazohpa reithai u la, Ano reithaina pyu cha theipa ta y mawh sy.

HLAZY 66:8 ပူးပေါင်းရင်းမြစ်များ

HLAZY 47:1

Hy phopizy saih u, nama ku chabaih u la, Lyna hla sapa ta Khazohpa lâ awh teh u!

HLAZY 66:2

A moh rônahna hla sapa ta, Reithaina rônahpa hlâ teh u.

HLAZY 98:4

Leilô zydua saih u, Abeipa lâ thaphapa ta awh teh u! Ao paropa ta awh u la, Reithaina hla sa teh u!

ZEREMIAH 33:11

Alyna nata thaphana aozy thei heihpa châ aw ta, myuhneituhpa nata myuh aozy chhao thei heihpa châ aw ta, Abeipa o lâta alyna biereina hmohlâpa a vaw cheihpazy ao chhao thei heihpa châ aw ta, “‘Pheisaihzy Abeipa hnohta alyna bie reih teh u, Abeipa cha pha ta, A kyhpachâna tlyzaw ta a ypa a châ!’ ama tah aw. Hmiatuapa daihti hawhna khata, râh cha vânoh ei patosa heih aw,” Abeipa ta a tah.

RYHPACHANEINA 32:43

“Hy avâzy saih u, Abeipa phopi a lykhei u la; Hy khazohzy saih u, A hmia liata a bôh teh u; Ana cha a chakaotuhpazy thisaih phuhlatuhpa châ ta, A khakhaipazy chô liata viari a thôtuhpa a châ. Ano a haotuhpazy viarithô aw ta, A râh nata a phopi châta chatlaina a tao aw.”

BIEPHUAH 19:1

Cha khai tawhta vârâh liata zawpi hluhpi ao paro ngaitapa a lyupa thei na ta, ao chata, “Haleluia! Pachhana zy, rônahna zy, hmotaotheina zy cha, Eima Khazohpa eih a châ.