HLAZY 66:3 - Mara Bible RV (BSI)

³ Khazohpa hnohta, “Na hmotaopazy noâh a chhih ta, Na hmotaotheina a rônah kaw dia! Chavâta na chariahpazy a bôhpa ta nâ lâ amâ vy.

HLAZY 66:3 ပူးပေါင်းရင်းမြစ်များ

ZAWBÂ 25:2

“Khazohpa hnohta ryureina nata china y ta, Avâ sâhpa liata adyhna a tao.

HLAZY 18:44

Ei bie ama theipa nahta ei rei a ngiah ei ta, Chihropazy ta ei ry amâ vaw daoh.

HLAZY 18:45

Chihropazy ama palôh chhâ ta, Chalyuna chôta ama thokhyzy tawhta ama vaw pua.

HLAZY 47:2

Abeipa Chônôchaipa cha chi awpa châ ta, Ano cha alei chô zydua liata bei rônahpa a châ.

HLAZY 65:5

Hy eima pachhana Khazohpa y, Hmo rônahpa taopa ta siana ta miah a chhy chi ta; Nâ cha khizaw kaokih hnabeiseihna châ chi ta, Tilaipi a hla chaipazy hnabeiseihna chhao na châ.

HLAZY 68:30

Lohthizy hry liata sahrâhpazy ra la, Phopizy viahchao tôhpa nata viahchaotawzy ra mah y. Râhpaw a tlaichhaipazy cha na phei ry liata tlypâ la, Adyuhna a pahâh kawpa phopizy hiepatla ha mah y.

HLAZY 76:12

Ano cha ryureituhpazy thlahpa a chhawh pathlah theipa châ ta, Lei beizy ta ama chi awpa a châ.

HLAZY 81:15

Abeipa a haotuhpazy ta ano ry a vaw daoh aw ei ta, Châhrasala ama tovyuh awpa cha chhâzaw hriena a châ aw.

PUASAINA 15:21

Miria ta, “Abeipa lâ hla sa teh u, Rônahpa ta pahnie ta; Arâ nata a kiahtuhpazy Tilaipi lâ a thy ha ei,” tahpa ta hla ta a chhihtha.

ISAI 2:19

Abeipa ta alei chalyu awpa ta a thyu tita, Chyhsazy cha Abeipa chichhihna tawhta a râ aw ei ta, Â beina rônahna tawhta amâ râ aw; Lôpanô lôpuzy liata a ngia aw ei ta, Alei khaohzy liata amâ ngia aw.

ISAI 25:3

Chavâta phopi thatlôpazy ta cha parônahsa aw ei ta, Râh chichhihpa khihpizy ta ama cha chi aw.

ISAI 40:26

Avâ lâ nama mo khaih u la moh tua u, Khizy khi ahy taopa ma a châ tly? Ano cha avâ liata a ypazy khi miakha miakha ta paysa ta, Ama moh chyu ta a awtuhpa a châ. A thatlôna rônahpa nata a hmotaotheina thatlôna vâta, Miakha hmah a ki leipa y veih ei.

ISAI 64:3

Eima hnabeiseih leipa hmo rarôh ypazy na tao no kha, Za chô chi ta, Na hmiakô liata tlâhpizy amâ chalyu ngâpa kha.

ZEREMIAH 10:10

Abeipa deikua cha Khazoh hmeiseihpa châ ta, Khazoh hrohpa nata tlyzaw Bei a châ. A hiehâhna ta alei a chalyu ta, Phopizy ta a pathiiana tao thei veih ei.