HLAZY 66:2 - Mara Bible RV (BSI)

² A moh rônahna hla sapa ta, Reithaina rônahpa hlâ teh u.

HLAZY 66:2 ပူးပေါင်းရင်းမြစ်များ

NEHEMIAH 9:5

Chatawhcha Livai pathla Zesua, Kâdamie, Bâni, Hâsabâniah, Serebiah, Hôdiah, Sebaniah nata Pethâhiah zy ta, “A duah u la, Abeipa nama Khazohpa cha chhâzaw nata tlyzaw ta reithai teh u,” tah ei ta. Ezrâ ta, “Reithaina nata palyupalihna zydua hlâta chônô viapa ta cheihchalopa na moh rônahpa cha reithaipa ta y mawh sy.

HLAZY 106:2

Ahy ma Abeipa hmotao rônahpazy reih thei ta, A reithaina zydua a phuah thei aw?

HLAZY 107:15

A kyhpachâna tleih beih leipa vâta, Abeipa cha reithai ei sala; Chyhsa sawzy châta a hmotao noâhpazy vâta, Abeipa cha reithai mawh ei sy!

HLAZY 107:22

Alyna biereina atheihnazy hlâ ei sala, Alyna hlazy ta a hmotaopazy chho mawh ei sy!

HLAZY 68:33

Avâzy chô a kiahpa lâta, Avâ hlôpazy chô a kiahpa lâ tlai ta, Reithaina hla sa muh vy. Moh teh u, a ao papua ha ta, A ao rônahpa a papua haw.

HLAZY 72:18

Abeipa, Izarei Khazohpa cha, Reithaipa ta y mawh sy; Ano deita he hmonoâhpazy taotuhpa a châ.

HLAZY 79:9

Hy eima pachhana Khazohpa y, Na moh rônahna châta miah bao mah y; Na moh vâta miah pachha la, Eima moleinazy miah chatlaipa mah y!

ISAI 42:12

Abeipa cha parônahsa ei sala, Ano reithaina cha, Tilaipi kiah râhzy liata phuah mawh ei sy.

ISAI 49:13

Hy avâzy saih u, thaphapa ta hla sa u la, Hy leilô y, a lypa ta y mah y. Hy tlâhpizy saih u, Lyna hla paryh teh u! Abeipa ta a phopi thlah palôh ha ta, A chyhsa pasa a taopazy a ngiachhie aw ei.

ISAI 6:3

Chatawhcha serâfi pakha ta serâfi hropa hnohta, “Pheisaihzy Abeipa cha, A pathaih na, a pathaih na, a pathaih na; Leilô zydua a rônahna ta a bie,” tahpa ta a awsao raihrie ei ta.

BIEPHUAH 5:13

Chatawhcha avâ nata alei nata alei ry nata tilaipi liata a ypa hmotaopa to nata ama chhôh liata a ypa zydua ta, “Beidyuchhai liata a tyuhpa nata Mietakutaw hnohta, Reithaina nata palyupalihna zy, Rônahna nata thatlôna zy, Chhâzaw nata tlyzaw ta y mawh sy,” tahpa ta ama reithaipa thei na ta.